Luke 14:21 - Sa Ugud Apudyus

²¹ “Pun nipauli sammilu woḵ imbagana da losan si apuna. Pun amod de sangan ni apuna woḵ ḵanana si sammiluna, ‘Agagame umoy atte ḵaḻsa ya sa lugar we andaḵdaḵngan da adu we tagu atte ili ta ayagam da ḵapus, da naparalaes, da naḵuḻap ya da napilay ta umalida maḵaḵan.’

Luke 14:21 Referans Kwoze

Luke 14:13

Yaḵon sa ḵoom ḵad oḵyan, ayagam da ḵamḵama, da naparalaes, da napilay ya da naḵuḻap.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

John 9:39

Ḵanan Jesus, “Ummaliyaḵ si annae lubung ta ḵuwisoḵ da tagu, ta da naḵuḻap, ḵaanoḵ da ḵuḻapda. Yaḵon da ḵanandae maḵaila, sissiyae naḵuḻapda.”

Luke 14:24

Annaya ibagaḵ ḵan diḵayu, naippun osa'tta ummunae inayagaḵ aḵ animsim atte insaganaḵe maḵan.’ ”

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Revelation 22:17

Ḵanan ni Ispiritu ya da tagunae mipani si asaw-on ni Ubbu we Karnero, “Awwaynu.” Ḵad ḵanan oḵyan os ni andodongngoḻ, “On, awwaynu.” Ngaimane mauwaw, umali oḵyan ta uminum atte libli ye danume angitod si biyag.

Revelation 19:15

Sa nangadanan aḵ Ugud Apudyus, awad ḵan siya antadome ispadae maḻpu si sungadnae siya usaronae angngog atta ḵinailin di ili. Sa angipangatana ḵan dida, usarona bastune ḵaga ya dusaonae ustu da ngaimane adi amigbig si ḵaḻabbongana. Ipailana ampaḵimute sangan ni maḵabooḻe Apudyus atta basuḻ. Te sa anusaana ḵad ḵan dida, isuna angasotan ni tagu'tta de grape atte aassotan ta mapospos baḻatda.

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Matthew 11:28

“Diḵayu losane naayong ḵan ampaḵaḻam, awwayyu ḵan saḵon ta paillongoḵ diḵayu.

Luke 9:10

Nipauli ḵad da apostol, imbagada ḵan Jesus da ḵingwada woḵ nampabuḻun aḵ Jesus ḵan dida si ili'd Bethsaida ta umabusda.

Matthew 18:31

Innilan ḵad da doganae sammilu naḵwa, amod de alimuunda woḵ ummoyda'tte ari impilit.

Matthew 15:12

Pun ummadani da disipuluna ḵan siya woḵ ḵananda, “Adimpun ḵamman igammu we sumanga da Pharisee si dingngoḻda imbagam?”

Luke 14:20

Sa osa bos ḵanana, ‘Ḵaḵ-asawaaḵ, pun adipun maḵwae umaliyaḵ.’

Luke 14:22

Pune sadi ummoy. Nipauli ḵad ḵanana si apuna, ‘Apu tinuttuwaḵ da imbilinnu yaḵon sissiyae awad da maigawan.’

Matthew 20:7

“Ḵananda, ‘On te naippun anangdan ḵan diḵani.’ “Ḵanan ni sinḵuwa si mumuḻḻaan atta de grape, ‘Inḵayu bos maḵaḵewaaḻ si mumuḻḻaaḵ atta de grape.’