Luke 14:15 - Sa Ugud Apudyus

¹⁵ Dingngoḻ ḵad ni osa'tta naḵaḵan da sanae bagbagan Jesus, ḵanana ḵan siya, “Pian pagay maḵaḵan atte ampangatan Apudyus.”

Luke 14:15 Referans Kwoze

Revelation 19:9

Pun ḵanan ni anghel ḵan saḵon, “Igilim anna: Pian da tagu we naayagan aḵ midoga maḵaḵan atte kasar ni Ubbu we Karnero.” Pun pinagatupana woḵ ḵanana, “Sana tuttuwae Ugud Apudyus.”

Luke 22:30

Ḵooḵ sanat ta midoga ḵayu ḵan saḵon maḵainum ya maḵaḵan si ampangataḵ ya tumuḵdu ḵayu bos si trono we ampangat ḵan anguwis atta ganaḵ da nasawaḻan aḵ duwae abeng Israel.”

Luke 13:29

Yaḵon awad da adu we tagu we maḵaḵan atte ampangatan Apudyus we naḻpu'tte dumingitan ḵan mipisongan init ya maḻpu'tta ḵapon ad lagud ya ad daya.

Matthew 25:10

“Ḵesanda ḵade ummoy ngumina'tte tendaan, nadanatong laḻaḵi ye ankasar. Pun da limae naḵasagana, nibuḻunda ḵan siya'tte kasar woḵ niyonob sawang.

Luke 12:37

Pian da sammilu we naḵasagana nu dumatong apuda taḵon ay nu gawallabi baḵon nu madam-an taḻun. Ibagaḵ ḵan diḵayu ḵatuttuwaan, pasantan ni apuda silupna'tte pallos ya patuḵduwona dida ta siya allusnu ḵan dida.

Matthew 8:11

Ibagaḵ ḵan diḵayu, adu da Gentil we maḻpu si dumingitan init ya mipisonganae maḵaḵan ḵan da Abraham, Isaac ya aḵ Jacob atte ampangatan Apudyus.

Luke 22:16

Te annaya ibagaḵ ḵan diḵayu, adiyaḵpun ogon angan atte ḵaḵnae gayagaya ingganae mituttuwa ḵapatog ni Gayagayae ngannonda Nallausan atte ampangatan Apudyus.”