Luke 13:13 - Sa Ugud Apudyus

¹³ Pun impatay Jesus da imana ḵan siya woḵ daguse nauyad woḵ nandaydayaw ḵan Apudyus.

Luke 13:13 Referans Kwoze

Mark 16:18

Ḵad nu onnanda da uḻog baḵon nu uminumda'tta maḵodotan, adidapun madiwdiwat. Nu ipatayda da imada'tta nasaḵit, maḵaan da saḵitda.”

Mark 5:23

woḵ nandagdagu. Ḵanana, “Awad de abengḵu we bubai ye madam-an matoy. Awwaynu ḵappos ta inḵa ipatay imam ḵan siya ta lumin-awa ta matagu.”

Mark 8:25

Pun impigwan Jesus iyyappad imana'tta atan ni naḵuḻap. Nandiyat ḵad ḵasin, maḵaila te amo pummadda ilana.

Mark 6:5

Gapu ta adidapun namati, adipun nangwa'ḵ adu we nakaskasdaaw sidi, abus impatayna imana'tta aḵite nasaḵit ta maḵaan da saḵitda.

Luke 4:40

Mummasdom ḵad, inniyoy da tagu ḵan siya da losane nasaḵit atta ngaimane kalasin di saḵit. Impatay ḵad Jesus imana'tte sin-ossaossa, naḵaan da saḵitda.

Acts 9:17

Pun ummoy aḵ Ananias woḵ nillumnoḵ atte boḻoye inninggawan Saul. Pun impatayna da imana ḵan siya woḵ ḵanana, “Sunudḵu we Saul, aḵ Apu Jesus we nampaila ḵan siḵa si daḻan, siya nangibuun ḵan saḵon ta maḵailaḵa ya umoy ḵabooḻan ni Ispiritu Santu ḵan siḵa.”

Luke 18:43

Pun daguse naḵaila woḵ nitun-ud ḵan siyae dinaydayawna'ḵ Apudyus. Innilan ḵad da losane tagu da sanae naḵwa, dinaydayawda bos aḵ Apudyus.

Matthew 9:8

Innilan ḵad da losane tagu we ḵinaan Jesus saḵitna, naḵimtanda woḵ indaydayawda'ḵ Apudyus we nangitod si ḵaḻabbongane isun ni sanat atte tagu.

Luke 13:12

Innilan ḵad Jesus, inayagana woḵ ḵanana, “Ina, mapuḵayanḵa'tte sanate ampaḵaḻamam!”