Luke 12:28 - Sa Ugud Apudyus

²⁸ Pun nu ḵaḵnat itton Apudyus we binaḻun da lumune matagu sinsadi ya appigat miballuda si apuy, aaddi ye ittona bos da silupe ḵasapuḻanyu. Diḵayu ḵad, ngaipa aḵit pammatiyu?

Luke 12:28 Referans Kwoze

Matthew 14:31

Pun daguse indawawan Jesus imana ḵan Peter woḵ doḵmaana. Ḵanana, “Aḵit pammatim! Ngaipaḵa anduwaduwa?”

Matthew 17:20

Ḵanan Jesus we summongbat, “Gapu'tte aḵit pammatiyu. Ibagaḵ ḵan diḵayu ḵatuttuwaan, nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwa ḵananyu'tte beleg, ‘Miyatunḵa'tte andi,’ ḵad tuttuwae an-atun. Te lamogyu ḵoon da ngaiman.

Matthew 6:30

Pun nu ḵaḵnat itton Apudyus we binaḻun da lumune matagu sinsadi ya appigat miballuda si apuy, aaddi ye ittona bos da silupe ḵasapuḻanyu. Diḵayu ḵad, ngaipa aḵit pammatiyu?

1 Peter 1:24

Te ḵanan ni nigili ye Ugud Apudyus, “Losane tagu, isudan lumun ḵad sa dayawda, isuna tabbaḵ ni lumun. Te sa lumun maḻ-uy, ya sa tabbaḵna mayaḵayaḵ,

Luke 8:25

Ḵanana'tta disipulu, “Naippun ḵamman os ay pammatiyu?” Naḵimtanda woḵ nataagda. Ḵananda, “Atopay! Ngai nin ay anna? Taḵon ay bibbid ya da tupiyaḵ bilinona dida ya tumuttuwada ḵan siya!”

Matthew 17:17

Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.”

Matthew 16:8

Inigammun Jesus da inugudda woḵ ḵanana ḵan dida, “Aḵit pammatiyu! Ngaipa ḵayu ambinsaw atte adiḵayupun nangawit aḵ ḵanonyu?

Matthew 8:26

Ḵanan Jesus, “Ngaipa ḵayu maḵimut? Naippun ḵamman pammatiyu?” Pun tummaḵdog woḵ binilinna da bibbid ya da tupiyaḵ ta guminoḵda. Pun ḵawagase gumminoḵda.

Hebrews 6:7

Sa lutae naudaudanane ustu, tumubu da ambaḻu we muḻa te da nanḵewaaḻ awatonda bindisyun Apudyus.