Luke 12:12 - Sa Ugud Apudyus

¹² Te sa sadi ye oras, ipaigammun ni Ispiritu Santu da ugudonyu.”

Luke 12:12 Referans Kwoze

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Matthew 10:20

Te daḵampun ḵan diḵayu maḻpuwan ni ibagayu nu adi sa Ispiritu Santu.

Acts 4:8

Pun naittan aḵ Peter atte ḵabooḻan ni Ispiritu Santu woḵ ḵanana, “Diḵayu we papangat ya pallakayon,

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Acts 7:55

Yaḵon aḵ Stephen, naittan atte ḵabooḻan ni Ispiritu Santu woḵ nantangad ad langit. Pun innilana ḵinapaddan Apudyus ya aḵ Jesus we sisiḵad atte madawinanna.

Matthew 10:19

Ḵad nu sumaḻyaonda diḵayu, adi ḵayu ambinsaw mipanggob si inonyu we anaḵdoḻ si mipanggob ḵan saḵon ya sa isongbatyu te sa sadi ye timpu mipaigammu da ustu we ugudonyu.

Luke 12:13

Pune sadi, inninggaw osae nidoga'tta ummamdane tagu we ḵanana ḵan Jesus, “Mistulu, ibagam ud ḵan sunudḵu ta ittona da billayḵu'tta laḵsunni.”