Luke 11:43 - Sa Ugud Apudyus

⁴³ “Ḵaddagu ḵayu we Pharisee! Te ampili ḵayu'tta ḵabaḻuwane tutuḵduwan atta sinagoga ya pionyu bose mapatgan atta ampakumusta ḵan diḵayu'tta andaḵdaḵngan da adu we tagu.

Luke 11:43 Referans Kwoze

Luke 20:46

“Ummanyu'tta mimistulun ni lintog te piondae alliḵliḵwose ansisillup atta langgoyod. Ampilida'tta ḵabaḻuwane tutuḵduwan atta sinagoga ya pionda bose mapatganda'tta ampakumusta ḵan dida'tta lugar we andaḵdaḵngan da adu we tagu. Ḵad pipionda midayawda nu awad gayagaya.

3 John 1:9

Nanuḻataḵ atta namati ye magimugimung sinat yaḵon adimpun Diotrephes binigbig ḵaḻabbonganni. Pionae siya angipangpangu sinat.

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.

Romans 12:10

An-asiayat ḵayu we isun ni an-aayat da mismu we ansusunud. Ḵad ibelangyu da bubuḻunyu'ḵ napatpatog nu diḵayu.

Matthew 11:16

Pinagatupan os Jesus woḵ ḵanana, “Ngai angipaniyaḵ atta tagu sinsana? Isudan abenge an-ay-ayam atta pappawayan. Ḵad ḵanandae angiyip-ipḵaw atta asin-abbengda,