Luke 11:4 - Sa Ugud Apudyus

⁴ Ḵad pakawanom da basuḻni te pinakawanni bos da naḵabasuḻ ḵan diḵani. Ḵad adim iyunude masulisug ḵani.’ ”

Luke 11:4 Referans Kwoze

Matthew 26:41

Adi ḵayu masusuyop yaḵon alluwaḻu ḵayu ta adi ḵayu masulisug. Te ampigsa somsomoḵyu yaḵon anḵuya long-agyu.”

Colossians 3:13

Anusanyu oḵyan pakawanon da buḻunyu, nu awad ansosongbatanyu baḵon nu maḵabasuḻ osae tagu ḵan diḵayu, pakawanonyu we isun ni inon Apu we namakawan ḵan diḵayu.

Matthew 18:35

Pun ḵanan Jesus we nangiyanungus, “Siya isun ni ḵoon Amaḵ ad langit ḵan diḵayu nu adiyu pakawanone sipupusu da asintataguyu.”

James 2:13

Te nu anḵuwis aḵ Apudyus, adinapun ḵadaguwan da adipun ḵumadagu. Yaḵon ḵadaguwana da ḵumadagu ta adida umogyat nu anḵuwis.

2 Timothy 4:18

Ḵad igammuḵe saḻaḵnibanaḵ ḵan Apu atta losane lawweng ya taguwona saḵon ad langit si ampangatana. Madaydayaw oḵyan aḵ Apudyus aḵ inggana. Amen.

2 Thessalonians 3:3

Yaḵon ustu te aḵ Apu ḵad mataḻgodan, adinapun iwaḻange amapigsa ḵan anaḻaḵnib ḵan diḵayu'tte ḵoon Satan.

1 Corinthians 10:13

Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

John 17:15

Daḵampun aḵ iluwaḻuḵe ḵaanom dida'tte annae lubung yaḵon iluwaḻuḵe saḻaḵnibam dida ḵan Satan.

Luke 22:46

Pun ḵanana ḵan dida, “Ngaipa ḵayu masusuyop? Bumangon ḵayu ta alluwaḻu ḵayu ta adi ḵayu masulisug.”

Luke 8:13

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Luke 11:5

Ḵanan Jesus ḵan dida, “Nu inḵa'tte boḻoy ni buḻbuḻunnu si gawallabi ya ḵanam, ‘Ittanaḵ ud aḵ maḵan,

Luke 13:4

Isuna bos da nasawaḻan aḵ waḻu we tagu we natoy atte niḵuḻ-uban ni antaḵnange boḻoy ad Siloam. Atte ḵasomsomḵanyu, nadagdagson basuḻda nu da losane iJerusalem?