Luke 11:36 - Sa Ugud Apudyus

³⁶ Te nu ampadda long-agnu we lumangḻang we ustuustu ya ippun paat giḵbot ḵan siḵa, pumadda losane long-agnu si ḵatuttuwaan Apudyus we iissuna silawe ampaddapadda.”

Luke 11:36 Referans Kwoze

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

James 1:25

Yaḵon sa tagu we singsingtona ustuustu we lintoge amuḵay atta tagu ya pagapagatupana ḵoon, bindisyunan Apudyus atta losane ḵoona. Siya kalasin ni tagu we daḵampun aḵ abuse andongoḻ ya naliwatana dingngoḻna yaḵon ḵoona da dingngoḻna.

Hebrews 5:14

Yaḵon da namati ye maḵaawat atte naadaḻome tuttudu'tte Ugud Apudyus, isuda da nanaḵmane tagu we ḵanonda anḵosdoḻ. Te lamogda imatunan ambaḻu ḵan lawweng.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Matthew 13:52

Ḵanan Jesus ḵan dida, “Maawatanyu ḵammane nu awad mistulun ni lintog aḵ amati si ituttuduḵ mipanggob si ampangatan Apudyus, mipani'tte sinḵuwa si boḻoye igammunae angitoḵwaḻ ya angusar atte ḵaḵḵopya ḵan dadaane ḵuḵuwanae nitataḻu si gagappotana?”

Matthew 5:15

Naippun tagu'ḵ tonggana silaw ta laḵḵobana bos atte aḵḵubaw. Ḵasapuḻane iggana si sasap-aḻan ni silaw ta masilawan da inggaw ad daḻom si boḻoy.

Luke 11:35

Ummam ta sa silaw ḵan siḵa adi gumiḵbot.

Luke 11:37

Nagangput ḵad aḵ Jesus we nantuttudu, inayagan ni Pharisee ta umoy angan. Pun ummoy aḵ Jesus aḵ ḵuwada woḵ naḵatuḵdu ḵan dida.