Luke 11:31 - Sa Ugud Apudyus

³¹ “Ḵad sa sadi ye Queen ad Sheba atte awe ye naḻpu'tte adaddayuwane ili'd daya, maḵataḵdog atta tagu sinsana si aḻgawe anguwisan Apudyus atta losane tagu. Sa gunayna amanoḵnoḵe dusaon oḵyan Apudyus diḵayu. Te taḵon ay adaddayuwan naḻpuwana, ummali sina'd Israel ta dongngona da ugud Ari Solomon we allaing. Taḵon ay nu annaaḵ sinsadi ye nangatngatu nu aḵ Solomon, adiyupun os dongngon ya tuttuwaon da ugudḵu.

Luke 11:31 Referans Kwoze

Romans 2:27

Ḵad taḵon ay adidapun nasogyatan nu tuttuwaonda lintog, dida angoddong atte madusaan da Judyu te taḵon ay nasogyatanda ya awad de nigili ye lintog ḵan dida, nilisalisda.

Luke 3:22

Pun dummoḻa Ispiritu Santu we isunan kalapati woḵ nansap-oy ḵan siya. Ḵanan ni gingae naḻpu'd langit, “Siḵa Abengḵu we ay-ayatoḵ ya masmas-omaḵ ḵan siḵa.”

Matthew 12:42

Ḵad sa de Queen ad Sheba atte awe ye naḻpu'tte adaddayuwane ili'd daya, maḵataḵdog atta tagu we matattagu sinsadi si aḻgawe anguwisan Apudyus atta losane tagu. Sa gunayna amanoḵnoḵe dusaon oḵyan Apudyus diḵayu. Te taḵon ay adaddayuwan naḻpuwana, ummali sina'd Israel ta dongngona da ugud Ari Solomon we allaing. Taḵon ay nu annaaḵ sinsadi ye nangatngatu nu aḵ Solomon, adiyupun os dongngon ya tuttuwaon da ugudḵu.”

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

Luke 9:35

Pune sadi, dingngoḻda gingae naḻpu'tte libuu we ḵanana, “Annaya abengḵu we piniliḵ. Dongngonyu da ibagana.”