Luke 10:9 - Sa Ugud Apudyus

⁹ Ḵaanonyu da saḵit ya iwaḻagawagyu'tta tagu we gattoḵe sinsadi awad ḵan diḵayu ampangatan Apudyus.

Luke 10:9 Referans Kwoze

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Luke 10:11

‘Taḵon ay gabun ni iliyu we anna'tta dapanni, ipaḻpagni ta angigammuwanyu we diḵayu asi ḵigad si madusaanyu. Yaḵon aaddi ye igammuwonyu we sinsadi gattoḵe awad oḵyan ḵan diḵayu ampangatan Apudyus.’

Acts 28:31

Natuḻode nangiwaḻagawag ḵan nangituttudu mipanggob si ampangatan Apudyus ya aḵ Apu Jesu Kristu ḵad ippun nanupod ḵan siya.

Luke 9:2

pun imbuunna dida ta umoyda iwaḻagawag ampangatan Apudyus ya ḵaanonda da saḵit.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

Mark 6:13

Pinaḻyawda da adu we aḻan atta naaḻanan, iyyappusda lana atta adu we nasaḵit pun naḵaan da saḵitda.

Mark 4:30

Pun ḵanan Jesus, “Ngai nin ay angipaniyaḵ atte ampangatan Apudyus? Ngai nin ay mipaniyana?

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Luke 10:10

Nu dumatong ḵayu'tte ngaimane ili ya adidapun diḵayu mangiliyon, inḵayu'tte paway ya ḵananyu we angibaga'tta tagu,