Luke 10:7 - Sa Ugud Apudyus

⁷ Nu awad ammangili ḵan diḵayu, inggaw ḵayu si boḻoyda inggana'ḵ tenanyu sadi ye ili. Adi ḵayu an-attuattun. Ḵanonyu ḵan inumonyu da ilusnuda te labbongnae matangdanan da anḵewaaḻ.

Luke 10:7 Referans Kwoze

2 Timothy 2:6

Annaya bos osae mipaniyana. Sa ampangoge anḵewaaḻ si uma, siya umuna an-apit atta bungan da immuḻana.

Galatians 6:6

Sa matuttuduwan atte Ugud Apudyus, ḵasapuḻan oḵyane ibillayana antuttudu ḵan siya'tta losane ambaḻu we awad ḵan siya.

Luke 9:4

Ngaimane ammangili ḵan diḵayu si boḻoyda, inggaw ḵayu inggana'ḵ tenanyu sadi ye ili.

Mark 6:10

Ngaimane ammangili ḵan diḵayu si boḻoyda, iinggaw ḵayu inggana'ḵ tenanyu sadi ye ili.

1 Timothy 5:13

Annaya bos da udume gapunae adiyu dida idoga si listaan, paingsaondae baduuḻ ya nansayasayapda an-attuattun atta boḻoy. Ḵad isaḻaddae alliḵud ya anḵapuḵaput atta ippun biyangda ya ugudonda banage adipun oḵyan maugud.

Acts 16:34

Intallayna da Paul ḵan Silas aḵ ḵuwada woḵ pinaḵanana dida. Pun amod de layad da simbaḻyan gapu'tte namatiyanda ḵan Apudyus.

Acts 16:15

Pun nampabonyag aḵ Lydia ya da ḵabaḻyanna. Pun inayagana diḵani woḵ ḵanana, “Nu ibelangyu saḵone tuttuwae namati ḵan Apu, umali ḵayu'ḵ ḵuwani.” Pun impatutna intallay diḵani si boḻoyda.

Acts 16:40

Lummawa ḵad da Paul ḵan Silas si babaḻḻudan, ummoyda si boḻoy da Lydia. Pun innilada ḵad da susunud ḵan Kristu we nadagup sidi, sinoḻgagda dida woḵ ummoyonda.

Luke 10:6

Ḵad nu pion diḵayu mangiliyon si boḻoyda, aḵ Apudyus angitod si lin-awa ḵan dida. Yaḵon nu umadida mangiliyon diḵayu, adimpun Apudyus itton ḵan dida lin-awa.