Luke 10:3 - Sa Ugud Apudyus

³ Pun ḵanana, “Inḵayu! Sosomḵonyu anna. Ibuunḵu diḵayu'tta lawweng ya ampaḵimute tagu ḵad isuyun karnero we umoy atte lugar we igaw da tanane asu.

Luke 10:3 Referans Kwoze

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Acts 20:29

Te igammuḵe sibot ḵad ni ayonaḵ, awad da umali ḵan diḵayu we sinan mistulu we isudan atape asu we umoy dumadail si pammatiyu ya da ayyuwananyu. Ḵad ippun gagada ḵan dida.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

John 15:20

Sosomḵonyu da imbagaḵ ḵan diḵayu, naippun sammilu'ḵ nangatngatu nu sa apuna. Nu nampaḵaḻamonaḵ, ampaḵaḻamonda bos diḵayu. Ḵad nu tuttuwaonda da ugudḵu, tuttuwaonda bos da ugudonyu.

Matthew 10:22

Ḵad sasangngaan os diḵayu'tta losane tagu gapu si pammatiyu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Acts 9:2

woḵ nanḵodaw aḵ suḻat atta papangat da sinagogan da Judyu ad Damascus ta andoḵma'tta ngaimane odasanae laḻaḵi baḵon nu bubai ye angunud atta tuttudun Jesus ḵad iyoyna dida ibaḻud ad Jerusalem.

John 10:12

Sa matangdanane antangḵon, nu awad ilana'ḵ atape asu aḵ angiduḵḵus atta karnero, tenana dida ya umawid te daḵampun aḵ siya gattoḵe antangḵon ya sinḵuwa'tta karnero. Ḵad sa atape asu, iduḵḵusna doḵmaan dida ya umasbuḵda.

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

Luke 10:4

Adi ḵayu angawit aḵ pilaḵ, baḵaḻ ḵan ansuḵatanyu'ḵ sandal. Ḵad adi ḵayu maḵaug-uggud atta abotonyu te mataḵtaḵ ḵayu.