Luke 10:2 - Sa Ugud Apudyus

² Ḵanan Jesus we nangipani, “Amoamod da maani yaḵon aḵit da an-ani. Pun iluwaḻuyu ḵan Apudyus we sinḵuwa'tta maani ta angibuun aḵ amoamod aḵ umoy an-ani.”

Luke 10:2 Referans Kwoze

1 Thessalonians 5:12

Ḵodawonni ḵan diḵayu susunudḵu ḵan Kristu ta patganyu da angipapati antuttudu, da angipangat, da angayyuwan ya da amagbaga ḵan diḵayu ta pumigsa ḵayu'tte pammati ḵan Apu.

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.

2 Thessalonians 3:1

Susunudḵu ḵan Kristu, iluwaḻuwanyu ḵappos diḵani ta mapagatupane mipaigammu Ugud Apu atta udume tagu. Ḵad ipatogda oḵyan ya patiyondae isun ni ḵingwayu.

Mark 13:34

Mipaniyaḵ atte ansagsaganae umoy si adayu we ili. Ipaayyuwanna boḻoyna'tta sammiluna, ḵad ittona biyang ni sin-ossaossa'tta ustu we ḵewaaḻda. Ḵad bilinona angguwaḻda ta adi masuyop.

1 Timothy 4:10

Siya gapunae igga taḵu ḵabooḻan taḵu te sadi namnamaon taḵu ḵan Apudyus we matattagu we anagu'tta losane tagu, dallu gay ditaḵu we namati.

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 13:4

Pune sadi, imbuun ni Ispiritu Santu dida woḵ ummoyda'd Seleucia si inggawan da bapur woḵ inggana sidi nalluganda si bapur we umoy ad Cyprus.

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 11:19

Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus.

Acts 8:4

Da sadi ye nabuḵaḻe namati, iwwaḻagawagda Ugud Apudyus mipanggob ḵan Jesus atta dinumane ili ye ayanda.

Luke 9:1

Sin-aḻgawan ḵad, inayagan Jesus da nasawaḻan aḵ duwae disipuluna woḵ ittana dida'ḵ ḵaḻabbongan ḵan ḵabooḻane amaḻyaw atta losane aḻan ya angaan atta saḵit,

Mark 16:20

Pun ummoy da disipuluna iwwaḻagawag Ambaḻu we Damag atta losane ili woḵ binadangan Apu dida. Pune sadi, pinanoḵnoḵana ḵinatuttuwaan ni tuttududa'tta nakaskasdaawe sinyale impaḵwana ḵan dida.

Matthew 20:1

Ḵanan Jesus, “Sa ampangatan Apudyus mipani'tte sinḵuwa'tte mumuḻḻaana'tta de grape we nawwiḵise ummoy nansingit aḵ tangdanana'ḵ umoy anḵewaaḻ si mumuḻḻaana'tta de grape.

Philippians 2:25

Simsimmoḵḵu bose ḵasapuḻane paoyonoḵ aḵ Epaphroditus we sunud taḵu ḵan Kristu we buḻunḵu si ḵewaaḻ ya buḻunḵu bose angitaḵdoḻ atte Ambaḻu we Damag atta sumullagi. Siya imbuunyu'ḵ bumadang ḵan saḵon atta ḵasapuḻaḵ,

Philippians 2:21

Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda.

1 Corinthians 12:28

Ḵad da dinutuḵan Apudyus atte gimung da namati, ummuna da apostol, ḵumagwa da profeta we an-uuggudona, ḵumaḵlu da angituttudu'tte ugudna, asiyot da angwa'tta nakaskasdaaw, da naittan aḵ ḵabooḻane angaan atta saḵit. Awad os da naittan aḵ ḵabooḻane bumadang ya da naittan aḵ ḵabooḻane angipangpangu'tta namati. Ḵad awad os da naittan aḵ ḵabooḻane an-ugud atta nansabasabali ye ugude adidapun inadaḻ.

Colossians 1:29

Iggaḵ losane ḵabooḻaḵ ta mituttuwa da sana'tte angusaraḵ si ampigsae ḵabooḻane innatod Kristu ḵan saḵon.

Philippians 2:30

te tigangay matoy gapu si ḵewaaḻe impaḵwan Kristu ḵan siya ḵad impustana biyagna si bumadangana ḵan saḵon atte ḵamaidyu.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

1 Thessalonians 2:9

Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

2 Corinthians 6:1

Pun diḵani ye maḵaḵewaaḻ ḵan Apudyus, ḵodawonni ḵan diḵayu ta sa ḵinabaḻun Apudyus we inawatyu, awad oḵyan ustu'ḵ ambanagana si antataguyu.

1 Corinthians 15:10

Yaḵon gapu'tte ḵinabaḻun Apudyus ḵan saḵon, binaliwanaḵ atte nambalinaḵ sinsadi, daḵampun aḵ ippun nambanagana. Sa naḵwa, nadaldallu pawotḵu we nanḵewaaḻ nu da udume apostol. Yaḵon daḵampun aḵ ḵingwaḵ da sadi gapu'tte mismu we ḵosdoḻḵu yaḵon gapu'tte ḵinabaḻun Apudyus we anna ḵan saḵon.

Philemon 1:1

Saḵon aḵ Paul we nibabaḻud gapu si nanserbiyaḵ ḵan Jesu Kristu. Aḵ Timothy ye sunud taḵu ḵan Kristu buḻunḵu sina. Annaya suḻatni ḵan siḵa Philemon we ay-ayatonni ye buḻbuḻun ya buḻunni ye anḵewaaḻ.

Revelation 2:1

Ḵanana, “Annaya isuḻatnu'tte anghel we angayyuwan atta namati ye magimugimung ad Ephesus, ‘Saḵon aangdon atta pitu we bituwon atte madawinane imaḵ ya anadtaddaḻan si gawan da pitu we buḻawane sasap-aḻan da silaw. Annaya ibagaḵ ḵan diḵayu.