Luke 10:16 - Sa Ugud Apudyus

¹⁶ Ḵanan Jesus we nangiyanungus atta disipuluna, “Ngaimane andongoḻ ḵan diḵayu, saḵon dingngoḻna. Ḵad sa angidiyan ḵan diḵayu, saḵon idiyanna. Ḵad sa angidiyan ḵan saḵon, idiyanna bos nangibuun ḵan saḵon.”

Luke 10:16 Referans Kwoze

John 13:20

Ibagaḵ ḵan diḵayu ḵatuttuwaan, ngaimane angawat atta ibuunḵu, saḵon awatona. Ḵad sa angawat ḵan saḵon, awatona bos nangibuun ḵan saḵon.”

Matthew 10:40

Ḵanan os Jesus, “Ngaimane ammangili ḵan diḵayu, saḵon minangilina. Ḵad sa ammangili ḵan saḵon, minangilina bos nangibuun ḵan saḵon.

1 Thessalonians 4:8

Pun da ngaimane angidiyan atte annae bilin, daḵampun aḵ tagu idiyanna yaḵon aḵ Apudyus we nangitod atte Ispiritu Santu ḵan diḵayu.

John 12:48

Sa angidiyan ḵan saḵon ya adipun anuttuwa'tte ugudḵu awad de anguwis. Sa inugudḵu siya anguwis ḵan siya si anungus ni aḻgaw.

John 12:44

Ḵanan Jesus we nangidangsoḻ, “Ngaimane amati ḵan saḵon, daḵampun aḵ abusaḵ aḵ patiyona yaḵon patiyona bos nangibuun ḵan saḵon.

Mark 9:37

“Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon.”

Matthew 18:5

Ḵad ngaimane ammangili'tte nababae tagu we isun ni annae abeng gapu'tte pammatina ḵan saḵon, saḵon minangilina.”

Acts 5:4

Sa daanyu angingin-an atte lutayu sissiyae ḵuwayu. Pun ingnginayu ḵad, awad ḵan diḵayu nu ngai pionyu angastuwan si bayadna. Ngaipam ay simsimmoḵ ḵoon sadi? Daḵampun aḵ tagu nantultulliyam yaḵon aḵ Apudyus!”

Luke 9:48

Ḵanana ḵan dida “Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon. Ngaimane ḵababaan ḵan diḵayu losan, siya ḵangatuwan.”

Galatians 4:14

Ḵad taḵon ay nu nampaḵaḻam ḵayu gapu si anḵuḵuyaaḵ, adiyupun inamsew baḵon nu indiyan saḵon. Yaḵon sa ḵingwayu, minangiliyaḵe isun di anghel Apudyus baḵon nu aḵ Jesu Kristu we mismu.