Luke 1:75 - Sa Ugud Apudyus

⁷⁵ Ta ambaḻu ugali taḵu ya unudon taḵu maun-unane antatagu we piniona inggana'ḵ matoy taḵu.”

Luke 1:75 Referans Kwoze

Ephesians 4:24

ya awatonyu baru we ansosomsomoḵ ya sa ugali ye maḻpu ḵan Apudyus we isun ni ansosomsomoḵna ḵan ugalina. Mipaila sana si antataguyu si tuttuwae naun-unan atte ambaḻu we ugali.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

2 Timothy 1:9

Tinaguna ya pinilina ditaḵu ta ditaḵu da taguna. Sa nangwaana si sadi, daḵampun aḵ gapu'tte ḵingwa taḵu yaḵon gapu si panggobna ya ḵinabaḻuna ḵan ditaḵu. Sa daan ni lubung maḵwaan, inggallapun Apudyus simsimmoḵe ipailana ḵinabaḻuna ḵan ditaḵu mipagapu ḵan Jesu Kristu.

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

1 Thessalonians 4:7

Te adimpun Apudyus ditaḵu pinili ta angwa taḵu'tta ḵaissaw ya ḵababbain yaḵon mitotoḵḵon taḵu'ḵ taguna ta bumaḻu ugali taḵu.

2 Thessalonians 2:13

Yaḵon ḵan diḵayu susunudḵu ḵan Kristu we ay-ayaton Apu, ḵasapuḻane pagapagatupanni ye anggappiya ḵan Apudyus gapu ḵan diḵayu. Te inggana'tte damu, pinilin Apudyus diḵayu'ḵ matagu mipagapu'tte Ispiritu Santu we nangitotoḵḵon ḵan diḵayu'ḵ tagun Apudyus ta bumaḻu ugaliyu ya mipagapu'tte pinatiyu ḵatuttuwaan mipanggob ḵan Jesu Kristu.

1 Thessalonians 4:1

Sinsadi susunudḵu ḵan Kristu, ibagani inonyu we matagu we mas-oman Apudyus. Ḵad siya annate ḵoonyu yaḵon mipagapu'tte ngadan Apu Jesus, ḵodawonni ḵasin ḵan diḵayu ta amo ipapatiyu oḵyane angwa.

Matthew 1:21

Umanaḵ aḵ laḻaḵi ḵad ngadanam aḵ Jesus te taguwona da taguna ta adida madusa'tta basuḻda.”

Luke 1:74

ta iligsina ditaḵu'tta ḵabusuḻ taḵu, ta anserbi taḵu ḵan siyae ippun ḵimut.