John 9:39 - Sa Ugud Apudyus

³⁹ Ḵanan Jesus, “Ummaliyaḵ si annae lubung ta ḵuwisoḵ da tagu, ta da naḵuḻap, ḵaanoḵ da ḵuḻapda. Yaḵon da ḵanandae maḵaila, sissiyae naḵuḻapda.”

John 9:39 Referans Kwoze

John 3:19

Annaya gapunae maḵuwisda. Ummali si annae lubung sadi ye ngannonda Silawe anilaw atta an-aawat taḵu mipanggob ḵan Apudyus yaḵon siya dinumaon da tagu pongot nu sa silaw te lawweng ḵoḵoḵḵonda.

John 12:46

Ummaliyaḵ atte annae lubung aḵ isun di silaw ta ngaimane amati ḵan saḵon, adidapun iinggaw atte giḵbot.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

John 8:12

Ḵasin ḵad aḵ Jesus nan-ug-uggud atta adu we tagu ḵananae nangipani, “Saḵon silaw da tagu si annae lubung. Ḵad ngaimane angunud ḵan saḵon, adipun ogon inggaw atte giḵbot te nasilawan somsomoḵna ya maatod ḵan siya biyag aḵ inggana.”

1 John 2:11

Yaḵon ngaimane naippun ayatna'tte asintataguna, sa giḵbot inggawana ḵan anaddaḻanana. Ḵad naippun igammuna'ḵ ayonana te sa giḵbot nanguḻap ḵan siya.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

Luke 1:79

Dumatong ḵad, langḻangana da tagu we iinggaw si giḵbote maḵimute matoy, ya ipuyutna ditaḵu ta lumin-awa somsomoḵ taḵu.”

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

2 Corinthians 2:16

Da daḵampun aḵ namati, sa ḵatuttuwaan mipanggob ḵan Kristu, isunan ambuyubuyuḵ anungsunganda te sa nangidiyananda siya gapun ni madusaanda si ḵatoy aḵ inggana. Ḵad da namati si ḵatuttuwaan mipanggob ḵan Kristu, isunan ambangubangu anungsunganda te sa amatiyanda gapun ni mataguwanda'ḵ inggana. Pun ngai maḵabooḻ angwa'tte ḵaḵnae ḵewaaḻ?

John 9:25

Ḵananae summongbat, “Naippun igammuḵ nu ḵabasbassuḻan sadi ye tagu. Sa abuse igammuḵ, naḵuḻapaḵ woḵ sinsadi naḵailaaḵ.”

John 8:15

Sa anḵuḵuwisyu, maḻpu we abus atte ḵasomsomḵanyu. Yaḵon ḵan saḵon, adiyaḵpun anḵuwis.

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

Luke 13:30

Sinsadi adu da tagu we nangatu we mipababa ya da nababae tagu, mipangatuda si umali ye aḻgaw.”

Luke 7:21

Sa dummaḵnganda, ḵinaan Jesus da saḵit da adu we tagu, ḵad pinaḻyawna bos da aḻan atta naaḻanan. Ḵinaanna bos ḵuḻap da naḵuḻap,

Luke 2:34

Pune sadi, binindisyunan Simeon dida woḵ ḵanana ḵan Mary, “Dongngom, sa annae abeng, dinutuḵan Apudyus siya'ḵ mataguwan da adu ḵan ditaḵu we ganaḵ Israel ya adu bos da madusa. Awad da anging-ingnga ḵan siya.

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Matthew 6:23

Yaḵon nu lawweng da atam, anggiḵbot losane long-agnu. Ḵad nu giḵbot awad ḵan siḵae padda oḵyan, ummamdan giḵbotna!”

2 Thessalonians 2:10

ya da lawwenge angallelawna'tta asi misina ḵan Apudyus ta madusada. Gapu'tte adida angayatan ḵan amatiyan si ḵatuttuwaan mipanggob ḵan Apu Jesus ta mataguda oḵyan.

Matthew 15:14

Sinnamaḻ da Pharisee te isudan naḵuḻape ipuyutda asinḵuḻapda. Ḵad nu ipuyut ni naḵuḻap asinḵuḻapna, aaddi ye maottagda losan si abut.”

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.