John 9:30 - Sa Ugud Apudyus

³⁰ Summongbat os laḻaḵi woḵ ḵanana, “Mataagaḵ ḵan diḵayu! Ippun igammuyu si naḻpuwana yaḵon diniyatna ataḵ!

John 9:30 Referans Kwoze

John 12:37

Taḵon ay nu adu da nakaskasdaawe sinyale impailan Jesus ḵan dida, sissiyae adidapun amati ḵan siya,

John 3:10

Ḵanan Jesus, “Ngai inonae siḵa osa'tta madaydayawe mistulu'd Israel yaḵon adimpun maawatan da sana?

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

Luke 7:22

woḵ ḵanana'tta imbuun John, “Mipauli ḵayu ḵan John ta inḵayu ibaga ḵan siya da innilayu ḵan dingngoḻyu, we da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, naḵadongoḻda, da natoy, nataguda ḵasin ḵad sa Ambaḻu we Damag miwaḻagawag atta ḵapus.

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Mark 6:6

Nataag atte ippun pammatida ḵan siya. Pune sadi, ummoy aḵ Jesus nantuttudu'tta nampaliḵwose ili.

Matthew 21:42

Pun ḵanan Jesus ḵan dida, “Iḵagasmoḵyu oḵyan binasayu si nigili ye Ugud Apudyus we ḵanana, “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy. Sa annae ḵingwan Apudyus, ambaḻubaḻu. Ḵad nakaskasdaaw atte ḵasomsomḵan taḵu.’

John 9:29

Igammuni ye naḵaugud aḵ Apudyus ḵan Moses. Yaḵon aḵ Jesus ḵad, ippun igammuni si naḻpuwana.”

John 9:31

Ḵad igammu taḵu we adimpun Apudyus dongngon da ḵabasbassuḻan yaḵon dongngona da angidayaw ḵan siya ya da angwa'tta piona.