John 9:29 - Sa Ugud Apudyus

²⁹ Igammuni ye naḵaugud aḵ Apudyus ḵan Moses. Yaḵon aḵ Jesus ḵad, ippun igammuni si naḻpuwana.”

John 9:29 Referans Kwoze

John 8:14

Ḵanan Jesus, “Taḵon ay nu saḵon anaḵdoḻ si long-agḵu, tuttuwa ibagaḵ te igammuḵ naḻpuwaḵ ḵan ayonaḵ. Yaḵon naippun paat igammuyu nu dinu naḻpuwaḵ baḵon nu ayonaḵ.

Acts 26:22

Inggana sinsadi binadangan Apudyus saḵon, pun annaaḵ sinae tataḵdoge anaḵdoḻ atta losane tagu, nababa man ḵan nangatu. Ḵad naippun udum aḵ dam-oḵ ibaga yaḵon da imbagan Moses ya da udume profetan Apudyus si awe ye mituttuwa'tte umali ye aḻgaw.

Acts 22:22

Imbagan ḵad ay Paul sadi, da nandodongngoḻ ḵan siya insaḻadda ḵanane simbobogga, “Gongaton taḵu! Adi oḵyan matagu ḵaḵnate tagu.”

Acts 7:35

“Aḵ Moses, indiyan da danaḵḵoḻ taḵu si nangibag-anda ḵanane, ‘Ngai nangibaga ḵan siḵae anna ḵaḻabbongame angipangat ya anguwis ḵan diḵani?’ Yaḵon imbuun Apudyus aḵ umoy angipangat ya amuḵay ḵan dida'tte nammusassuwanda gapu si badang ni anghel we nampaila ḵan siya si gumilagilabe ḵayu.

John 9:24

Inayagan os da papangat da Judyu ḵasin sadi ye laḻaḵi woḵ ḵananda ḵan siya, “Andayawḵa ḵan Apudyus we ibagam ḵatuttuwaan. Te igammuni ye sa sadi ye Jesus ḵabasbassuḻan.”

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

John 7:27

Yaḵon igammu taḵu naḻpuwan ni annae tagu. Te nu umali Kristu naippun angigammu si maḻpuwana.”

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

Luke 23:2

indaḻumda'ḵ Jesus woḵ ḵananda, “Indasanni annae tagu we al-allelawona da susunude ganaḵ Israel. Sa ḵumagwa, ḵananae adiḵanipun oḵyan ambayad si bugis atte Emperor ad Rome ya sa ḵumaḵlu, ḵananae siya Kristu we Ari.”

Matthew 26:61

woḵ ḵananda, “Ḵanan ni annae tagu we lamogḵu dadailon templon Apudyus ḵad lamogḵu taḵadon si unog di tuḻun aḻgaw.”

Matthew 12:24

Yaḵon dingngoḻ ḵad da Pharisee ḵananda, “Abus aḵ Beelzebul we pangat da aḻan aḵ nangitod atte ḵabooḻanae amaḻyaw atta aḻan.”

John 7:28

Pun nantuttudu ḵad aḵ Jesus si paway ni templo, indangsoḻnae gumminga woḵ ḵanana, “Igammuyu pagay saḵon ya igammuyu naḻpuwaḵ? Daḵampun aḵ ummaliyaḵ gapu si ḵuwaḵe ḵasomsomḵan. Yaḵon sa tuttuwae nangibuun ḵan saḵon, adiyupun igammu.

John 9:30

Summongbat os laḻaḵi woḵ ḵanana, “Mataagaḵ ḵan diḵayu! Ippun igammuyu si naḻpuwana yaḵon diniyatna ataḵ!

Hebrews 1:1

Sa awe adu we timpu ḵan nansabasabali inon Apudyus we nan-ugud atta danaḵḵoḻ taḵu mipagapu'tta profetanae an-uuggudona.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.