John 8:6 - Sa Ugud Apudyus

⁶ Ḵaḵna im-imusda te pionda padason aḵ Jesus ta ngai ḵad de isongbatna siya ambatayandae angidaḻum ḵan siya. Yaḵon nangwa ḵad aḵ Jesus, ummobaob woḵ nanggilina tammuduna si gabu.

John 8:6 Referans Kwoze

Luke 10:25

Inninggaw osa ḵan didae nalainge mistulun ni lintoge tummaḵdog woḵ ḵananae namadas ḵan Jesus, “Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Matthew 19:3

Pun ummoy da udume Pharisee ḵan Jesus ta padasonda siḵapan woḵ ḵananda ḵan siya, “Iyunud ḵamman ni lintoge idangan ni laḻaḵi asawana taḵon ay nu ngai ye gapu?”

1 Corinthians 10:9

Adi taḵu bos pappadason aḵ Kristu we isun ni ḵingwan da udum ḵan dida woḵ nanḵaḵatoyda gapu'tte ḵotob da uḻog.

Mark 10:2

Inninggaw os da Pharisee ye ummoy namadas ḵan siya woḵ ḵananda, “Iyunud ḵamman ni lintog taḵu we idangan ni laḻaḵi asawana?”

Mark 8:11

Pun inninggaw da udume Pharisee ye ummoy ḵan Jesus. Pionda padason, pun insaḻaddae nansosongbat. Ḵad ḵindawdae ḵoona nakaskasdaawe sinyal ta mapanoḵnoḵane aḵ Apudyus pagay nangibuun ḵan siya.

Matthew 26:63

Yaḵon gummiginnoḵ. Pun inḵasin os ni ḵangatuwane padi ḵanan, “Sa sinagung ni matattagu we Apudyus, ibagam ḵan diḵani nu siḵa Kristu we Abeng Apudyus.”

Matthew 22:35

Inninggaw osa ḵan didae nalainge mistulun ni lintoge nan-imus ḵan Jesus ta siḵapana.

Matthew 22:18

Yaḵon igammun Jesus we lawweng panggobda, pun ḵanana ḵan dida, “Diḵayu we ḵapappaila! Ngaipayu saḵon siḵapan?

Matthew 16:1

Dummatongda ḵad, inninggaw da udume Pharisee ya da Sadducee ye ummoy ḵan Jesus ta padasonda siḵapan. Pun ḵananda, “Angipailaḵa ud ḵan diḵani'tta nakaskasdaawe sinyal aḵ angigammuwanni ye aḵ Apudyus ad langit nangibuun ḵan siḵa.”

Matthew 15:23

Aḵ Jesus ḵad, gummiginnoḵe adinapun songbatan bubai. Pun ummadani da disipuluna ḵan siya woḵ ḵananda, “Paḻyawom ḵappos ta umoyon ḵan agaynae mituntun-ude ampoḵapoḵaw.”

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

John 8:2

Pummadda ḵad, nipauli'ḵ Jesus atte paway ni templo. Nandatdatong os da adu we tagu pun tummuḵdu woḵ insaḻadnae nantuttudu ḵan dida.

Luke 11:16

Da udum ḵad os, pionda padason aḵ Jesus, pun ḵindawdae ḵoona nakaskasdaawe maḻpu'd langit ta mapanoḵnoḵane aḵ Apudyus nangibuun ḵan siya.

Mark 12:15

Yaḵon inigammun Jesus we siḵapanda woḵ ḵanana, “Ngaipayu pappadason saḵon? Angidatong ḵayu ud aḵ ossaane palata ta ilaḵ.”

Mark 3:2

Inninggaw os da udume tagu we angitotollong ḵan siya ta ilanda nu ḵaanona saḵitna'tte umillongan te pionda pabasuḻon aḵ Jesus.