John 8:47 - Sa Ugud Apudyus

⁴⁷ Da abeng Apudyus, ummanda dongngon da ugudona ya amatida'tta ibagana. Yaḵon daḵanḵayupun aḵ abeng Apudyus, siya adiyu angngoḻan ḵan amatiyan atta ugudona.”

John 8:47 Referans Kwoze

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

1 John 3:10

Ḵaḵna angimatunan taḵu'tta abeng Apudyus ya da abeng Satan: Da tagu we daḵampun aḵ abeng Apudyus, adidapun ḵoon da ustu ya adidapun ayaton da asintataguda.

John 8:45

Yaḵon gapu ta ibabaggaḵ ḵatuttuwaan, adiḵayupun amati ḵan saḵon.

John 8:37

“Igammuḵe diḵayu da ganaḵ Abraham yaḵon pionyu gongaton saḵon te ippun inggawan ni tuttuduḵ atta pusuyu.

John 8:43

Ngaipayu adi maawatan da ibagaḵ? Siya gay te ippun anusyu we andongoḻ.

John 6:65

Pinagatupana bos woḵ ḵanana, “Sana gapun ni nangibag-aḵ ḵan diḵayu we naippun ḵallamog umali ya amati ḵan saḵon nu adin Amaḵ iyunud.”

3 John 1:11

Ay-ayatoḵe buḻbuḻun, adim unudon da angwa'tta lawweng yaḵon unudom da angwa'tta ambaḻu. Te da angwa'tta ambaḻu, dida da abeng Apudyus yaḵon da angwa'tta lawweng ippun igammuda ḵan Apudyus.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

John 5:25

Ibagaḵ ḵan diḵayu ḵatuttuwaan, dummatong timpu we dongngon da natoy gingan ni Abeng Apudyus, ḵad da andongoḻ ya amati mataguda'ḵ inggana.

John 12:48

Sa angidiyan ḵan saḵon ya adipun anuttuwa'tte ugudḵu awad de anguwis. Sa inugudḵu siya anguwis ḵan siya si anungus ni aḻgaw.