John 8:17 - Sa Ugud Apudyus

¹⁷ Nigili si lintogyu we nu an-isu taḵdoḻ da duwae tagu, tuttuwa ibagada.

John 8:17 Referans Kwoze

Hebrews 10:28

Ngaimane adi tumuttuwa si lintog Moses, aaddi ye magongate ippun ḵadagu nu awad duwa baḵon nu tuḻu we tagu'ḵ anaḵdoḻ.

Matthew 18:16

Yaḵon nu adinapun dongngon, umayagḵa'ḵ ossaan baḵon nu duwa'ḵ mibuḻun ḵan siḵa'ḵ maḵaugud atte naḵabasuḻ ḵan siḵa ta awad anaḵdoḻ ḵan amanoḵnoḵ atta losane mibaga.

Galatians 3:24

Pun isun di binantayan ditaḵu si lintog inggana si ummaliyan Kristu ta siya angwa si maun-unan taḵu si antotollong Apudyus gapu si pammati.

2 Corinthians 13:1

Sana piḵlun ni umaliyaḵ ḵan diḵayu sinat. Pun sosomḵonyu impaigilin Apudyus we ḵanana, “Nu awad angidaḻum atte buḻunna, ḵasapuḻane awad duwa baḵon nu tuḻu'ḵ anaḵdoḻ si ḵatuttuwaan.”

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”

Galatians 4:21

Ibagayu ḵan saḵon, diḵayu we maḻyade paituray atte lintog, adiḵayupun ḵamman andongoḻ si lintog?

1 John 5:9

Nu patiyon taḵu panoḵnoḵ da tagu, amo patiyon taḵu oḵyan panoḵnoḵ Apudyus mipanggob si Abengna te nangatngatu'ḵ Apudyus we nangibaga.

John 15:25

Maḵwa sana ta mituttuwa nigili si lintogdae ḵanana, ‘Sasangngaanda saḵone ippun gapuna.’ ”

John 10:34

Ḵanan Jesus, “Daḵampun ḵamman aḵ sa nigili si lintogyu, ‘Imbagaḵe Apudyus ḵayu?’