John 7:43 - Sa Ugud Apudyus

⁴³ Pune sadi, nanggogwa da tagu mipanggob ḵan siya.

John 7:43 Referans Kwoze

John 10:19

Imbagan ḵad ay Jesus anna, nanggogwa bos ḵasin da Judyu gapu'tte imbagana.

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

John 7:12

Da nandatdatonge tagu'tte gayagaya, siya uguugudonda mipanggob ḵan Jesus. Ḵanan da udum, “Ambaḻu ugalin Jesus.” Yaḵon ḵanan os da udum, “Lawwelawweng te uḻ-uḻnugana da tagu.”

Acts 14:4

Yaḵon da tagu si sadi ye siyudad, nanggogwada. Da udum ummapyuda'tta Judyu we adipun namati ya da udum os ummapyuda'tta apostol.

Luke 12:51

Sa somsomoḵyu ḵad ain ummaliyaḵ ta palin-awaoḵ maḵabuḻbuḻunan da tagu'tta udum sina'd luta? Daḵampun, annaya ibagaḵ ḵan diḵayu te sa ummaliyaḵ, ansisinaan ḵan ansusubogan da tagu.

Matthew 10:35

Ḵad ummaliyaḵ ta iyyaḵ ambubusuḻon da an-aama ya da an-iina ya da anḵatḵatugangae bubai.