John 7:33 - Sa Ugud Apudyus

³³ Ḵanan Jesus ḵan dida, “Sin-aḵitan inggawaḵ ḵan diḵayu ya mipauliyaḵ atte nangibuun ḵan saḵon.

John 7:33 Referans Kwoze

John 16:5

Sinsadi iyyaḵ si nangibuun ḵan saḵon yaḵon naippun nan-imus ḵan diḵayu ḵanane, ‘Dinu ayam?’

John 13:33

“Aabengḵu, sin-aḵitan inggawaḵ ḵan diḵayu. Ḵad singtonyu saḵon ya sa imbagaḵ atta Judyu, sinsadi annae ibagaḵ ḵan diḵayu we sa annae ayaḵ, adiḵayupun maḵaali.

John 17:13

“Yaḵon sinsadi, mipauliyaḵ ḵan siḵa ḵad ibagaḵ da sana'tta tagu si annae lubung ta awad ḵan dida layadḵu we naippun kurangna.

John 17:11

Sinsadi naippunaḵ ogon si lubung te mipauliyaḵ ḵan siḵa. Yaḵon matenanda si annae lubung. Nasantuwane Ama, ḵodawoḵe ayyuwanam dida mipagapu si ḵabooḻame innatodnu ḵan saḵon ta an-ossaandae isun ni nan-ossaananta.

John 16:28

Naḻpuwaḵ ḵan Amaḵ ya ummaliyaḵ si annae lubung. Sinsadi, tenaḵ annae lubung ya iyyaḵ ḵan Amaḵ.”

John 16:10

Nankamalida mipanggob si naun-unaḵ te sana amanoḵnoḵ si tuttuwae naun-unanaḵe mipauli ḵan Amaḵ ya adiyupun ogon saḵon ilan.

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

John 13:3

Yaḵon inigammun Jesus we impuḻang Amana ḵan siya da losan ya inigammuna bose naḻpu ḵan Apudyus ḵad mipauli bos ḵan siya.

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

John 9:4

Ḵasapuḻane ḵoon taḵu da ḵewaaḻe paḵwan ni nangibuun ḵan saḵon te sissiyae aḻgaw te umun-uni ḵad lumabi ya ippun inon taḵu we angwa.

John 14:12

“Ibagaḵ ḵan diḵayu ḵatuttuwaan, ngaimane amati ḵan saḵon, ḵoona bos da ḵingwaḵ. Ḵad daḵdaḵoḻ da ḵoona nu da ḵingwaḵ te iyyaḵ ḵan Amaḵ.

John 14:28

Dingngoḻyu imbagaḵe iyyaḵon ya mipauliyaḵ ḵan diḵayu. Ḵad nu ayatonyu saḵon, allaylayad ḵayu oḵyan te iyyaḵ ḵan Amaḵ we nangatngatu nu saḵon.

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”