John 7:32 - Sa Ugud Apudyus

³² Dingngoḻ ḵad da Pharisee ye sin-aayumimit da amode tagu mipanggob ḵan Jesus, nangibuun da papangat da papadi ya da Pharisee atta guwaḻdan ni templo ta umoyda doḵmaan aḵ Jesus.

John 7:32 Referans Kwoze

Acts 5:26

Pun ummoy ni kapitan ya da guwaḻdan ni templo innaḻa dida. Yaḵon adidapun pinatut dida te maḵimutda'ḵ batuwon da tagu dida inggana'ḵ matoyda.

John 18:3

Pun impuyut Judas da suḻdadu we iRome ya da guwaḻdan ni templo we imbuun da papangat da papadi ya da Pharisee. Nampaḵ-odonda'ḵ silaw, pinatud ya aggom.

John 12:19

Pun ḵanan da Pharisee, “Ilanyu ḵad, ippun botlon taḵu te siya unudon da losane tagu si lubung.”

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 12:14

Pun ummoyon da Pharisee woḵ umoyda an-uugud si inondae angongat ḵan Jesus.

Matthew 26:58

Yaḵon aḵ Peter ḵad, naktay ḵan dida'ḵ panose ummun-unud inggana'ḵ naḵtad si paway ni ḵangatuwane padi. Pun naḵatuḵdu'tta guwaḻda ta ilana nu ngai maḵwa ḵan Jesus.

John 7:30

Imbagan ḵad Jesus sadi, pinadas da papangat doḵmaan yaḵon adimpun Apudyus iyunud te daampun yan dumatong mituttuwaan ni planuna ḵan siya.

John 11:46

Yaḵon da udum, ummoyda'tta Pharisee woḵ imbagada ḵingwan Jesus.