John 7:3 - Sa Ugud Apudyus

³ ḵanan da sunud Jesus we laḻaḵi ḵan siya, “Tenam sina ya inḵa'tte probinsiya'd Judea ta ilan da disipulum da nakaskasdaawe ḵoom!

John 7:3 Referans Kwoze

Matthew 12:46

Sissiya ḵad aḵ Jesus we maḵaug-uggud atta tagu, dummatong aḵ inana ya da sunudna. Inninggawda'tte lasin woḵ ummoyda impaayag te piondae maḵaug-uggud ḵan siya.

John 7:5

Imbagan da laḻaḵi ye sunud Jesus ḵaḵna te taḵon ay da sunudna, adidapun amati ḵan siya.

Acts 2:14

Pune sadi, summiḵad aḵ Peter ya da nasawaḻane apostol woḵ indangsoḻnae gumminga woḵ ḵanana, “Ḵailiyaḵe Judyu ya da losane ummili'd Jerusalem, andongoḻ ḵayu ta ipaḵaawatḵu pion ni sana ḵanan.

John 7:10

Yaḵon ḵesan ḵad da sunud Jesus we ummoy naḵagayagaya'd Jerusalem atte Gayagayan da Judyu we ngannonda Sigay, ummoy os aḵ Jesus yaḵon adipun nampappaila.

Luke 8:19

Pune sadi, dummatong inan Jesus ya da sunudna sidi yaḵon adidapun maḵaadani ḵan siya te amod da tagu we nampaliḵwos.

Mark 3:31

Pune sadi, dummatong ḵad inan Jesus ya da susunudna'tte lasin ni boḻoye inninggawana, ummoyda impaayag.

Mark 3:21

Dingngoḻ ḵad da ḵabaḻyanna, ummoyda ta itallayda te sa ḵanan da udum natingang.

John 2:2

ya inninggaw os aḵ Jesus ya da disipuluna te naayaganda.

John 6:60

Dingngoḻ ḵad da adu'tta disipuluna annae imbagana ḵananda, “Atopay ḵamnut ni annae tuttuduna! Ngai maḻyad andongoḻ?”

John 6:66

Inggan ni sadi, adu da tagu we nibuḻubuḻun ḵan Jesus we nan-awid woḵ adidapun ogon mibuḻun ḵan siya.

John 7:4

Ḵad nu ḵoom da sana, ilan da losane tagu si lubung ta igammuwonda. Te naippun tagu'ḵ itataḻuna ḵoona nu pionae ipaigammu ḵinatataguna.”

Luke 8:20

Pun ḵanan ni osae nangibaga ḵan Jesus, “Andi'ḵ inam ya da susunudnu'tte lasine pionda maḵaugud ḵan siḵa.”