John 6:9 - Sa Ugud Apudyus

⁹ “Annaya abenge nandinaan aḵ limae tinapaye barley ḵan duwae nidawise ugadiw. Yaḵon maḵaḻnob ḵamman atta amode tagu?”

John 6:9 Referans Kwoze

Luke 9:13

Yaḵon ḵanana ḵan dida, “Diḵayu amaḵan ḵan dida.” Ḵananda ḵan siya, “Abuse limae tinapay ḵan duwae nidawise ugadiw anna ḵan diḵani. Maḵwa nu inḵani ngumina'ḵ ḵanon da annae amode tagu.”

Mark 6:38

Ḵanan Jesus, “Ḵamaan ḵad ain ni awad ḵan diḵayu we tinapay? Inḵayu ud angila.” Nangdasda ḵad, ḵananda, “Abuse limae tinapay ḵan duwae nidawise ugadiw.”

Matthew 14:17

Ḵananda ḵan siya, “Abuse limae tinapay ḵan duwae nidawise ugadiw anna ḵan diḵani.”

Matthew 16:9

Sissiya ḵammane adiḵayupun maḵaawat? Naliwatanyu we sa limae tinapay ummanay aḵ ḵinan da limallibu we tagu? Ḵad pigae aḵḵubaw nasawaḻ si dinagupyu?

Mark 8:19

sa namisbisaḵaḵ si limae tinapay, pinaḵanan taḵu da lummabos aḵ limallibu we tagu? Ḵad pigae aḵḵubaw nasawaḻe dinagupyu?” Ḵananda, “Nasawaḻan aḵ duwa.”

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Revelation 6:6

Dingngoḻḵu isun di gingae naḻpu si gawan da opate matattagu we ḵingwame ḵanana, “Sa umali ye aḻgaw, awad de inggi. Ḵad sa tangdan ni osae tagu'tte sin-aḻgaw duwan supae wheat baḵon nu gogwan di kilo we arinae barley ye ossaane palata nginana. Yaḵon adim dadailon mantika ya sa bayas.”

John 11:32

Dummatong ḵad aḵ Mary si igaw Jesus, nanalluḵu si sinagungna woḵ ḵanana, “Apu, nu inninggawḵa sina, adipun oḵyan sunudḵu natoy.”

John 11:21

Ḵanan Martha ḵan Jesus, “Apu, nu inninggawḵa sina, adipun oḵyan sunudḵu natoy.

John 6:7

Ḵanan Philip ḵan siya, “Taḵon ay duwanggasute palata adinapun lamog mingina'ḵ tinapay aḵ maḵaḻnob ḵan dida taḵon ay nu sin-aḵ-itanda.”

John 6:11

Pune sadi, innaḻan Jesus tinapay woḵ nanggappiya ḵan Apudyus. Nagangput ḵad, impaiwaḻasna'tta disipuluna. Ḵaḵna bos ḵingwana'tte ugadiw. Impaiwaḻasna inggana'ḵ nassugda.

John 21:9

Tummaḵdangda ḵad atte taḻantag, innilada usinge bumaḻabaḻa ya da nidawise ugadiw ya inninggaw os tinapay.

John 21:10

Ḵanan Jesus ḵan dida, “Angidatong ḵayu si ugadiwe tinabuḵuḻanyu.”

John 21:13

Innaḻan Jesus tinapay ya sa ugadiw woḵ ittona ḵan dida.