John 6:38 - Sa Ugud Apudyus

³⁸ Te daḵampun aḵ ummaliyaḵe naḻpu'd langit ta ḵooḵ da pinioḵ yaḵon ummaliyaḵ ta ḵooḵ da pinion ni nangibuun ḵan saḵon.

John 6:38 Referans Kwoze

John 5:30

Naippun ḵaḻabbongaḵ ḵoon nu abusaḵ. Siya dongngoḵ da ibagan Amaḵ atte inoḵe anḵuwis ḵad ustu anḵuḵuwisḵu te siya unudoḵ pion ni nangibuun ḵan saḵone daḵampun atte pioḵ.”

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

John 3:31

Sa naḻpu si annae luta, ḵuwan ni luta ya abus aḵ ugudona mipanggob atte luta. Sa naḻpu'd langit, siya ḵangatuwan.

John 6:33

Te sa maḵane itton Apudyus, siya dummoḻae maḻpu'd langite angitod si biyag aḵ inggana'tta tagu si lubung.”

John 3:13

Naippun nampangatu'd langit yaḵon abusaḵe Abeng Di Tagu we dummoḻae naḻpu'd langit.

Hebrews 5:8

Taḵon ay nu Abeng Apudyus aḵ Jesus, inadaḻnae tummuttuwa ḵan Apudyus mipagapu'tta nampaḵaḻamana.

Romans 15:3

Te taḵon ay aḵ Jesu Kristu adinapun mas-oman long-agna yaḵon sa ḵanan ni nigili ye Ugud Apudyus, “Da amsew da tagu ḵan siḵa Apudyus, saḵon inamsewda.”

Ephesians 4:9

Ngai ḵad ain piona ḵanan nu naugude nipangatu'd langit? Ḵaḵna piona ḵanan, aḵ Jesus ummunae nan-osoge naḻpu'd langit woḵ ummoy si ḵadoḻaane partin ni luta.

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

John 6:29

Ḵanan Jesus, “Annaya pinion Apudyus we ḵoonyu, amati ḵayu oḵyan ḵan saḵone imbuunna.”

John 6:42

Ḵananda, “Daḵampun ḵamman aḵ siya Jesus we abeng Joseph? Igammu taḵu da amana ḵan inana. Ḵad ngaipana ḵanane naḻpu'd langit?”

John 6:57

Aḵ Amaḵ we naḻpuwan ni biyag, imbuunaḵ woḵ nataguwaḵ gapu ḵan siya. Pun sadi isun ni angan atte long-agḵu, matagu bos gapu ḵan saḵon.