John 6:15 - Sa Ugud Apudyus

¹⁵ Inigammun ḵad Jesus da somsomoḵ da tagu we ipatutdae siya an-ariyonda, tinenana dida woḵ ummoy ḵasine ossaan atte beleg.

John 6:15 Referans Kwoze

John 18:36

Ḵanan Jesus, “Sa ḵaḻabbongaḵe ampangat daḵampun aḵ maḻpu si annae lubung. Nu maḻpu si annae lubung ḵaḻabbongaḵe ampangat, aaddi ye naḵagubat da disipuluḵ ta adiyaḵ oḵyan mipuḻang atta Judyu.”

Luke 19:38

Ḵananda, “Madaydayaw oḵyan Ari ye umali ye imbuun Apudyus! Lin-awa'd langit. Madaydayaw aḵ Apudyus we ḵangatuwan!”

Mark 11:9

Da ummuna ya da ummun-unud, ḵanandae nanugtug-uy, “Madaydayaw aḵ Apudyus! Madaydayaw oḵyan umali ye imbuun Apudyus!

Hebrews 4:13

Naippun mitaḻu ḵan Apudyus te losane ḵingwana ampataḵda si antotollongna. Ḵad songbatan taḵu ḵan siya da losane ḵingwa taḵu.

John 5:41

“Adiḵpun pion dayawe maḻpu'tta tagu,

John 6:3

Pun nanagada'ḵ Jesus atte beleg woḵ naḵatuḵdu'tta disipuluna.

Matthew 5:1

Innilan ḵad Jesus da adu we tagu, nanagada'tte beleg. Tummuḵdu ḵad, ummadani da disipuluna ḵan siya,

John 6:22

Mabigat ḵad, nan-uuwway da tagu we natenan si domang te inigammudae ossaane abus bangkae ḵesan ḵad inniladae adipun aḵ Jesus naḵalugan yaḵon abus da disipuluna'ḵ nambangka.