John 5:5 - Sa Ugud Apudyus

⁵ Pun inninggaw osae laḻaḵi ye nasaḵit si tuḻumpuḻu ya waḻu we tawon.

John 5:5 Referans Kwoze

Acts 3:2

Inggaw laḻaḵi ye nibuḵnage napilaye inninggaw si lewangan ni templo we nginadananda'ḵ Ambaḻu we lewangan. Inaḻgawe wawayonda iyoy sidi ta antapatapaya'tta lumnoḵ.

Luke 8:43

Sa amoamodan os da tagu, inninggaw bubai ye dumaḻadaḻa'tte nasawaḻan aḵ duwae tawon. Taḵon ay nu naaminan atta nampaagasana, naippun naḵaagas ḵan siya.

Mark 9:21

Pun ḵanan Jesus we nangimus atte amana, “Ḵamaan ni nangisaḻdanae ḵaḵna?” Ḵanan ni amana, “Insaḻadna si ḵaban-ogna.

Acts 14:8

Ad Lystra, inninggaw osan laḻaḵi ye tummutuḵdu we naangḵet da suḵinae adipun maḵataddaḻan si inggan ni nibuḵnagana.

Luke 13:16

Pun sinsadi, anna ḵan ditaḵu annae bubai ye ganaḵ Abraham we nampaḵaḻamon Satan si nasawaḻan aḵ waḻu we tawon. Ḵasapuḻan ḵammane mapuḵayan atte ampaḵaḻamana si umillongan?”

Acts 9:33

indasana laḻaḵi ye nangngadan aḵ Aeneas we innuumbog si waḻun tawon te naparalaes.

John 9:1

Anadtaddaḻan ḵad aḵ Jesus, innilana laḻaḵi ye niyanaḵe naḵuḻap.

John 5:14

Unipun, indasan Jesus sanae laḻaḵi si paway ni templo woḵ ḵanana, “Ilam ḵad, bummaḻuḵa. Agaynu we bumasuḻ ta adi maḵwa ḵan siḵa sindumallu nu sa damu.”

Acts 4:22

Sa sadi ye tagu we naḵaan pilayna lummabose opatpuḻu tawonna.

John 9:21

Yaḵon naippun igammuni nu ngai inonae naḵaila ya nu ngai naniyat atta atana. Imusonyu ḵan siya te naangsan ḵan igammunae sumongbat.”

John 5:4

te sillaḻabi ḵad, an-osog anghel Apudyus ya inḵibyawna danum. Ḵad sa umunae umoy atte miḵibyawe danum, maḵaan saḵitna.

John 5:6

Innilan ḵad Jesus we innuumbog sidi ya inigammunae nabayage innuumboge nasaḵit, ḵanana ḵan siya, “Piome maḵaan saḵitnu?”