John 5:19 - Sa Ugud Apudyus

¹⁹ Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

John 5:19 Referans Kwoze

John 12:49

Te daḵampun aḵ nan-ugudaḵ aḵ naḻpu si ḵaḻabbongaḵ yaḵon aḵ Amaḵ we nangibuun ḵan saḵon, imbilinna nu ngai da ibagaḵ ḵan ugudoḵ.

John 8:28

Pun ḵanan Jesus, “Magangput ḵade itaḻayagyu saḵone Abeng Di Tagu atte kros, sadi angigammuwanyu we saḵone mismu sadi. Ḵad sadi bos angigammuwanyu we daḵampun aḵ buttungaḵ da losane ḵooḵ yaḵon da intuttudun Amaḵ da losane ibagaḵ.

John 14:10

Adimpun ḵamman patiyone awadaḵ ḵan Amaḵ ya awad aḵ Amaḵ ḵan saḵon? Sa imbagaḵ ḵan diḵayu, daḵampun aḵ ugudoḵ si ḵuwaḵe ḵaḻabbongan yaḵon sa Ama we iinggaw ḵan saḵon, ḵoona da ḵewaaḻna.

John 10:18

Naippun paat maḵaaḻa'tte biyagḵu yaḵon sipupusuwaḵe angitod. Anna ḵabooḻaḵe angitod atte biyagḵu ya anna bos ḵabooḻaḵe amauli. Sa imbilin Amaḵ, ḵasapuḻane ḵooḵ.”

Romans 8:11

Sa osa bos, aḵ Apudyus we nanagu ḵasin ḵan Jesu Kristu nu awad ḵan diḵayu Ispirituna, taguwona bos da long-agyu we matoy mipagapu si Ispiritunae iinggaw ḵan diḵayu.

John 9:4

Ḵasapuḻane ḵoon taḵu da ḵewaaḻe paḵwan ni nangibuun ḵan saḵon te sissiyae aḻgaw te umun-uni ḵad lumabi ya ippun inon taḵu we angwa.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

Colossians 1:16

Te mipagapu ḵan siya nangwaan Apudyus atta losane awad ad langit ya da awad sina'd luta, da maila ḵan adipun maila, midoga da papangate isuna bos atta nankalakalasi ye ispiritu we awad da ḵaḻabbonganda ḵan ḵabooḻanda. Ḵingwana da losane banag mipagapu ḵan Jesu Kristu ya para'tte madayawana.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

Ephesians 3:16

Ḵad ḵodawoḵ ḵan siya ta mipagapu'tte ḵabooḻan ni Ispirituna we anna'tta pusuyu, pumigsa oḵyan somsomoḵyu we mibatay si ḵinabaḵnang ni ḵinaapudyusnae ippun miyisuwana,

Ephesians 2:5

Taḵon ay nu isun di natoy taḵu gapu'tta basuḻ taḵu, innatodna baru we biyag gapu si niyossaanan taḵu ḵan Kristu. Pun sa ḵinabaḻun Apudyus gapun ni nataguwan taḵu'tte madusaan si basuḻ.

2 Corinthians 4:14

Te igammuni ye aḵ Apudyus we nanagu ḵan Apu Jesus, taguwona bos diḵani gapu si niyossaananni ḵan Jesus. Ḵad idogana bos diḵayu we namati ta midoga taḵu losan si igawna.

1 Corinthians 15:12

Sinsadi, nu iwwaḻagawagni ḵan diḵayu we ummuli'ḵ Kristu, ngai inonae ḵanan da udum ḵan diḵayu we adipun umuli da natoy?

Romans 6:4

Pun sa nabonyagan taḵu, nidoga taḵu ḵan Jesu Kristu si natoyana ya nilibonana ta matagu taḵu'tte baru we antatagu we isun ni ummuliyan Jesu Kristu mipagapu'tte nakaskasdaawe ḵabooḻan Apudyus.

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.

John 2:19

Ḵanan Jesus, “Nu dadailonyu annae templo, taḵadoḵ si tuḻun aḻgaw.”

1 Thessalonians 4:14

Te nu amati taḵu we natoy aḵ Jesus woḵ ummuli, amati taḵu bose ibuḻun Apudyus ḵan Jesus da namati ye natoy.

Colossians 1:11

Oḵyan pos ta sa nakaskasdaawe ḵabooḻan Apudyus amapigsa'tta somsomoḵyu ya lumayad ḵayu ta taḵon ay nu ngai maḵwa ḵan diḵayu, lamogyu maattomane angiyanus.

Matthew 26:39

Pun bummattawa ḵan dida'ḵ aḵit woḵ nalluḵbube nalluwaḻu. Nalluwaḻu woḵ ḵanana, “Ama, nu maḵwa oḵyan, iligsim saḵon si annae ampaḵaḻamaḵe sasangnguwoḵ. Yaḵon daḵampun oḵyan si pinioḵ mituttuwa nu adi sa piniom.”

John 6:38

Te daḵampun aḵ ummaliyaḵe naḻpu'd langit ta ḵooḵ da pinioḵ yaḵon ummaliyaḵ ta ḵooḵ da pinion ni nangibuun ḵan saḵon.

John 12:50

Ḵad da igammuḵe imbilinna, siya angitod si biyag aḵ inggana. Pun da ibagaḵ, siya da paibagan Amaḵ.”