John 4:48 - Sa Ugud Apudyus

⁴⁸ Ḵanan Jesus ḵan siya, “Nu ippun ilanyu'ḵ nakaskasdaawe sinyal, adiḵayupun amati.”

John 4:48 Referans Kwoze

John 20:29

Ḵanan Jesus ḵan siya, “Namatiḵa gapu ta innilam saḵon? Pian da adipun nangila ḵan saḵon yaḵon namatida.”

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

1 Corinthians 1:22

Te da Judyu, ḵasapuḻan da awad mipaila'ḵ nakaskasdaaw aḵ amatiyanda. Ḵad da Gentil, siya singtonda ḵinalaing.

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

John 12:37

Taḵon ay nu adu da nakaskasdaawe sinyale impailan Jesus ḵan dida, sissiyae adidapun amati ḵan siya,

2 Corinthians 12:12

Te sa inniinggawaḵ ḵan diḵayu, inanusaḵ da losane ampaḵaḻaman atte nangipail-aḵ atta sinyal ya da udume nakaskasdaawe angipaila si ḵabooḻan Apudyus ya sana da amanoḵnoḵ si ḵinaapostolḵu.

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

Acts 14:3

Pun nabayag inninggawan da Paul ḵan Barnabas sidi. Intuḻoddae nantuttudu mipanggob ḵan Apu Jesus. Pun tinaḵdoḻandae tuttuwa mipanggob si ḵinabaḻuna mipagapu si nangittana ḵan dida si ḵabooḻane angwa'tta nakaskasdaaw ḵan sinyal.

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Acts 2:43

Nataag da adu we tagu te adu da nakaskasdaaw ya sinyale naḵwa mipagapu'tta apostol.

John 2:18

Innilan ḵad da papangat da Judyu ḵingwana ḵananda, “Ngai sinyale ipailam ḵan diḵani ta panoḵnoḵame anna ḵaḻabbongame angwa'tta ḵaḵna?”

Luke 16:31

“Yaḵon ḵanan Abraham, ‘Nu adida amati'tta inggilin Moses ya da profeta, adidapun os maawise amati taḵon ay nu awad umuli ye maḻpu'tta natoy.’ ”

2 Thessalonians 2:9

Yaḵon sa daannapun madadailan, inggaw ḵan siya ḵabooḻan Satan ya impailana da tinutuli ye nakaskasdaaw ya da sinyal,

Acts 15:12

Pun gummiginnoḵ da losane naamung woḵ nandodongngoḻda'tta imbagan da Barnabas ḵan Paul mipanggob atta sinyal ḵan nakaskasdaawe ḵingwan Apudyus atta Gentil mipagapu ḵan dida.

Acts 7:36

Pun intallay Moses da ganaḵ Israel we naḻpu'd Egypt. Ḵad adu da ḵingwanae nakaskasdaaw ya sinyal si inninggawanda'd Egypt ya sa dummoḻmanganda'tte ngannonda Dilaage Baybay ya sa nanadtaddaḻananda si bumbummaaw si opatpuḻu we tawon.

Acts 6:8

Aḵ Stephen, amod de ḵinabaḻun Apudyus ḵan siya ya innattan Apudyus aḵ ḵabooḻane nangwa'tta nakaskasdaaw ḵan sinyal atte sinagung da tagu.

Acts 5:12

Sa sadi ye timpu, adu da nakaskasdaaw ḵan sinyale ḵingwan da apostol atta adu we tagu. Ḵad madagudagup da losane namati si partin ni templo we ngannonda Sawang Solomon.

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

Acts 2:19

Sa umali ye aḻgaw awad da ipailaḵe nakaskasdaaw ad langit ya da sinyal ad lutae daḻa ḵan apuy ya sa angal-alliwoḵe asuḵ.

John 15:24

Naippun oḵyan maḵabasuḻanda nu adiḵ ḵingwa da nakaskasdaawe naippun maḵaḵwa. Yaḵon sinsadi ye innilada, sasangngaanda diḵani ḵan Amaḵ.

Luke 10:18

Ḵanan Jesus, “Innilaḵ aḵ Satan we naottage naḻpu'd langite isun di ḵilat.

Matthew 27:42

“Tinaguna da udume tagu yaḵon adinapun lamog taguwon long-agna. Siya Arin da ganaḵ Israel, dumoḻa ud oḵyan sinsadi si sanate kros ta amati ḵani ḵan siya.

Matthew 16:1

Dummatongda ḵad, inninggaw da udume Pharisee ya da Sadducee ye ummoy ḵan Jesus ta padasonda siḵapan. Pun ḵananda, “Angipailaḵa ud ḵan diḵani'tta nakaskasdaawe sinyal aḵ angigammuwanni ye aḵ Apudyus ad langit nangibuun ḵan siḵa.”

John 4:49

Yaḵon ḵanan ni pangat, “Apu, awwaynu ḵappos ta daan matoy abengḵu.”