John 3:8 - Sa Ugud Apudyus

⁸ Isun ni bibbid, adipun maila yaḵon angoy atte dinuman. Dongngonyu bungug ni bibbid yaḵon naippun igammuyu si maḻpuwana ḵan ayonana. Sadi isunae naippun maila ḵan maawatan atte inon ni miyanaḵ ḵasin atte Ispiritu Santu yaḵon tuttuwae awad de ambanagana'tte biyag ni miyanaḵ ḵasin mipagapu'tte Ispiritu Santu.”

John 3:8 Referans Kwoze

1 Corinthians 2:11

Te naippun angigammu'tte awad si somsomoḵ ni tagu nu adi siyae mismu. Isuna ḵan Apudyus, naippun angigammu'tte somsomoḵna nu adi abus Ispirituna.

Acts 2:2

Baag-en dingngoḻda bunguge naḻpu'd langite isun ni bungug ni ampigsapigsae bibbid woḵ nangalliwoḵ si boḻoye nandaḵdaḵnganda.

1 John 2:29

Igammuyu we naun-unan aḵ Apudyus pun maawatanyu oḵyan ose da angwa'tta naun-unan, ambalinda'ḵ abeng Apudyus.

Acts 4:31

Nalluwaḻuda ḵad, nayyugayug boḻoye nadagupanda. Pun ummoy ḵabooḻan ni Ispiritu Santu ḵan dida woḵ tummuḻoddae nangiwaḻagawag si Ugud Apudyus.

1 Corinthians 12:11

Losan da sanae ḵabooḻan, ossaan naḻpuwandae sa Ispiritu Santu. Ittana sin-ossaossae namati sigun si piona.

John 1:13

Sa nambalinanda'ḵ abeng Apudyus, daḵampun aḵ isuna miyanaḵ atte tagu ḵan pion da an-asawa yaḵon naḻpu si ḵabooḻan Apudyus.

John 3:7

Adiḵa mataag atte imbagaḵe ḵasapuḻane miyanaḵ ḵayu ḵasin.

John 3:9

Ḵanan Nicodemus, “Ngai inonae maḵwa?”