John 3:31 - Sa Ugud Apudyus

³¹ Sa naḻpu si annae luta, ḵuwan ni luta ya abus aḵ ugudona mipanggob atte luta. Sa naḻpu'd langit, siya ḵangatuwan.

John 3:31 Referans Kwoze

John 8:23

Ḵanan os Jesus, “Diḵayu we adipun namati, sa somsomoḵyu nainlubungan. Yaḵon ḵan saḵone naḻpu'd langit, sa somsomoḵḵu nainlangitan.

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

John 6:33

Te sa maḵane itton Apudyus, siya dummoḻae maḻpu'd langite angitod si biyag aḵ inggana'tta tagu si lubung.”

1 John 4:5

Da sinan profeta we awad si lubung, nainlubungan da tuttududa. Ḵad pipion da tagu we adipun namati ye andongoḻ ḵan dida.

John 6:51

Saḵon maḵane angitod si biyag aḵ ingganae naḻpu'd langit. Ḵad ngaimane angan atte annae maḵan, matagu'ḵ inggana. Sa sanae maḵan, sa long-agḵu we ittoḵ ta matagu da tagu si lubung.”

Revelation 19:16

Sa langgoyodna ya sa uḻpuna, nigili annae ngadane ḵanana, “Ḵangatuwane Ari atta losane Ari ya Ḵangatuwane Apu atta losane Apu.”

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.

John 1:27

Siya umun-unud ḵan saḵon ḵad gapu'tte ḵinangatuna, ippun labbongḵu we anguḵas atte sandalna.”

Acts 10:36

Igammuyu Ambaḻu we Damag we impaigammun Apudyus ḵan diḵani ye ganaḵ Israel. Impaigammun ni Ambaḻu we Damag ḵan ditaḵu inon ni allin-awae maḵabuḻbuḻunan taḵu ḵan Apudyus mipagapu ḵan Jesu Kristu we Apun da losane tagu.

Hebrews 9:1

Sa ummunae tuḻag Apudyus, awad da tuttudu mipanggob si ustu we inondae andaydayaw ḵan siya. Ḵad awad os tuldae ḵingwada sina'd lutae andaydayawanda ḵan siya.

John 1:30

Siya imbagabagaḵ ḵanane, ‘Awad de umun-unud ḵan saḵone nangatngatu te inggaw atte daanḵu mibuḵnagan.’

John 1:15

Pinanoḵnoḵan John mipanggob ḵan siya woḵ ḵananae nangiyipḵaw, “Sana imbagabagaḵ ḵan diḵayu we awad de umun-unud ḵan saḵone nangatngatu te inggaw atte daanḵu mibuḵnagan.”

John 3:30

Pun ḵasapuḻane siya ngumatu ya saḵon dumoḻa te siya planun Apudyus.”