John 3:18 - Sa Ugud Apudyus

¹⁸ Pun da amati ḵan siya, adidapun maḵoddongan. Yaḵon da adipun amati, naḵoddonganda. Te adidapun amati'tte os-ossaane Abeng Apudyus.

John 3:18 Referans Kwoze

1 John 5:10

Pun ngaimane amati si Abeng Apudyus, nimumuḻa'tte somsomoḵna panoḵnoḵ Apudyus atte mipanggob ḵan siya. Yaḵon sa adipun amati si imbagan Apudyus, ambalinonae tuliyan aḵ Apudyus te adinapun patiyon impanoḵnoḵnae mipanggob atte Abengna.

Mark 16:16

Ngaimane amati ḵan saḵon ya mabonyagan, matagu. Yaḵon sa adipun amati, maḵoddongan aḵ madusa.

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

1 John 5:12

Pun ngaimane awatona abeng Apudyus, awad ḵan siya biyag aḵ inggana. Yaḵon da adipun angawat atte Abeng Apudyus, naippun ḵan dida biyag aḵ inggana.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.

1 John 4:9

Ḵad sa inon Apudyus we nangipaila si ayatna ḵan ditaḵu, imbuunna ossaane Abengna atte annae lubung ta maḵwae awaton taḵu biyag aḵ inggana gapu ḵan siya.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

John 6:47

Ibagaḵ ḵan diḵayu ḵatuttuwaan, ngaimane amati ḵan saḵon, awad ḵan siya biyag aḵ inggana.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

John 1:12

Yaḵon da losane nangawat ya namati ḵan siya, innatodna ḵan dida ḵaḻabbongane ambalin aḵ abeng Apudyus.

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

Hebrews 3:19

Ḵad inigammu taḵu we adidapun maḵaḻnoḵ atte lugar we umillongane insaganan Apudyus gapu ta adidapun namati.

1 John 3:23

Pun annaya imbilinna ḵan ditaḵu: Amati taḵu oḵyan ḵan Jesu Kristu we Abengna ya an-asiayat taḵu te siya imbilin Kristu ḵan ditaḵu.