John 3:16 - Sa Ugud Apudyus

¹⁶ Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 3:16 Referans Kwoze

Romans 5:8

Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.

John 3:15

ta ngaimane amati ḵan saḵon, awad ḵan siya biyag aḵ inggana.”

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

1 John 4:19

Ayaton taḵu da udum te ummunae inayat Apudyus ditaḵu.

John 10:28

Ittoḵ ḵan dida biyag aḵ inggana ta adidapun misina ḵan Apudyus aḵ inggana ya naippun paat maḵapuḻos ḵan dida ḵan saḵon.

Romans 5:10

Sa awe sissiyae ḵabusuḻ taḵu'ḵ Apudyus. Yaḵon sinsadi, nipaḻ-og naḵabuḻbuḻunan taḵu ḵan siya mipagapu'tte natoyan Jesu Kristu we abengna. Gapu ta buḻbuḻunna ditaḵu, amo dallu we taguwona ditaḵu gapu si ummuliyana.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

Ephesians 2:4

Yaḵon ummamdan ḵadagu ḵan ayat Apudyus ḵan ditaḵu.

Matthew 9:13

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus. Pun inḵayu adaḻon nigili ye Ugud Apudyus we ḵanana, ‘Ḵan saḵon, napatpatog ḵumadagu ḵayu'tta asintataguyu nu sa angidatun ḵayu'ḵ ayam ya da udume datun ḵan saḵon.’ ”

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

Titus 3:4

Yaḵon taḵon ay nu ḵingwa taḵu da ḵaḵna, aḵ Apudyus we Anagu ḵan ditaḵu, impailana ḵad ḵinabaḻuna ḵan ayatna

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

Mark 12:6

Anungusna ḵad, imbuunna abengnae ay-ayatona te abus aḵ nabun-an, ḵanana'tte somsomoḵna, ‘Patganda pos pay nin abengḵu.’

Luke 2:14

“Madaydayaw aḵ Apudyus ad langit. Anna lin-awa'tta tagu'd lutae mas-omana.”

John 3:18

Pun da amati ḵan siya, adidapun maḵoddongan. Yaḵon da adipun amati, naḵoddonganda. Te adidapun amati'tte os-ossaane Abeng Apudyus.

Hebrews 2:9

Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.