John 3:11 - Sa Ugud Apudyus

¹¹ Ibagaḵ ḵan siḵa ḵatuttuwaan, siya panoḵnoḵanni igammuni ya da innilani yaḵon adiyupun patiyon.

John 3:11 Referans Kwoze

John 8:38

Ibagaḵ da innilaḵ atte inggawaḵ ḵan Amaḵ. Diḵayu ḵad, siya ḵoonyu da dingngoḻyu ḵan amayu.”

John 14:24

Sa adipun angayat ḵan saḵon, adinapun tuttuwaon ugudḵu. Ḵad sa ugudḵu we dongngonyu, daḵampun aḵ naḻpu ḵan saḵon yaḵon naḻpu ḵan Amaḵ we nangibuun ḵan saḵon.

John 12:49

Te daḵampun aḵ nan-ugudaḵ aḵ naḻpu si ḵaḻabbongaḵ yaḵon aḵ Amaḵ we nangibuun ḵan saḵon, imbilinna nu ngai da ibagaḵ ḵan ugudoḵ.

John 8:14

Ḵanan Jesus, “Taḵon ay nu saḵon anaḵdoḻ si long-agḵu, tuttuwa ibagaḵ te igammuḵ naḻpuwaḵ ḵan ayonaḵ. Yaḵon naippun paat igammuyu nu dinu naḻpuwaḵ baḵon nu ayonaḵ.

John 7:16

Sinongbatan Jesus dida woḵ ḵanana, “Daḵampun aḵ sa somsomoḵḵu maḻpuwan ni ituttuduḵ yaḵon maḻpu ḵan Apudyus we nangibuun ḵan saḵon.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

John 1:11

Ummoy si mismu we ilina yaḵon adimpun da ḵailiyana inawat.

Luke 10:22

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan ḵinalaing. Iniiggammuna saḵone Abengna ya naippun udum aḵ nangigammu ḵan saḵon. Ḵaḵna bos aḵ Amaḵ. Naippun angigammu ḵan siya, abusaḵ ya da ngaimane tagu we pioḵe angipaigammuwan.”

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Acts 22:18

Innilaḵ aḵ Apu we ḵananae nangibaga ḵan saḵon, ‘Ganasom! Tenam ad Jerusalem te da tagu sinat adidapun tuttuwaon ibagabagam mipanggob ḵan saḵon.’

John 5:43

Ummaliyaḵ sina gapu'tte ḵaḻabbongan Amaḵ woḵ adiyupun saḵon awaton. Yaḵon nu awad umali'tte ḵaḻabbonganae mismu, siya awatonyu.

John 3:13

Naippun nampangatu'd langit yaḵon abusaḵe Abeng Di Tagu we dummoḻae naḻpu'd langit.

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

Matthew 23:37

Pune sadi ḵanan Jesus, “Atoḵayu paye iJerusalem, diḵayu nanggongat atta profeta ḵan namatubatu'tta imbuun Apudyus! Nangampigae pioḵ dagupon diḵayu ḵan saḵon ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.

John 3:12

Nu imbagaḵ ḵan diḵayu da mipanggob atta maḵwa si annae lubung ya adiḵayupun amati, ngai inonyu we amati nu ibagaḵ da mipanggob atta maḵwa'd langit?

John 8:26

Adu ibagaḵ ḵan ipabasuḻḵu mipanggob ḵan diḵayu yaḵon sa nangibuun ḵan saḵon tuttuwa ya da dingngoḻḵu ḵan siya, dida da ibagabagaḵ atta tagu si annae lubung.”