John 21:17 - Sa Ugud Apudyus

¹⁷ Pun impiḵlun Jesus ḵanan ḵan siya, “Simon we abeng John, ay-ayatom pagay saḵon?” Pun nasuḻsuḻdung aḵ Peter te piḵlunae nangimus ḵan siya we ḵanana, “Ay-ayatom pagay saḵon?” Ḵanan Peter, “Apu, igammum da losan. Ḵad igammume ay-ayatoḵ siḵa.” Ḵanan Jesus ḵasin, “Ayyuwanam da karneroḵ.

John 21:17 Referans Kwoze

John 13:38

Ḵanan Jesus we summongbat, “Tuttuwa ḵammane ittom long-agnu'ḵ matoy gapu ḵan saḵon? Ibagaḵ ḵan siḵa ḵatuttuwaan, daampun anullaḵuḵ ḵawitan, amiḵluwom saḵon puḵlitan.”

Mark 14:72

Daguse impigwan ni ḵawitane nanullaḵuḵ woḵ inḵagasmoḵ Peter imbagan Jesus we ḵanana, “Daampun ḵawitan anullaḵuḵ aḵ madam-an taḻun, amiḵluwom saḵon puḵlitan.” Pun adipun maḵaḵasḵasmoḵ woḵ umibiibil.

John 16:30

Sinsadi, igammuni ye igammum da losan. Ḵad adipun ḵasapuḻane awad an-imus ḵan siḵa. Gapu'tte sana, amati ḵani ye naḻpuḵa ḵan Apudyus.”

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

Acts 15:8

Aḵ Apudyus we angigammu si awad atte somsomoḵ da tagu, impailanae inawatna da Gentil we namati si nangattana'tte Ispiritu Santu ḵan didae isun ni nangattana ḵan ditaḵu.

John 15:10

Nu tuttuwaonyu da bilinḵu ya iinggaw ḵayu si ayatḵu, isun ni nanuttuwaaḵ atta bilin Amaḵ ya iinggawaḵ si ayatna.

John 14:15

Pinagatupan Jesus woḵ ḵanana'tta disipuluna, “Nu ayatonyu saḵon, tuttuwaonyu da bilinḵu.

2 Peter 3:1

Ay-ayatoḵe buḻbuḻun, annaya ḵumagwae suḻatḵu ḵan diḵayu. Ḵad da annae suḻatḵu, awad de impaspasmoḵḵu ḵan diḵayu ta usaronyu da ampoḻḵas ya tuttuwae ḵasomsomḵanyu.

1 Peter 1:6

Anggangganas ḵayu gapu'tta sana taḵon ay nu ḵasapuḻane ampaḵaḻam ḵayu'tte sin-aḵitan atta nankalakalasi ye padase mapadasanyu.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

Acts 1:24

Pun ḵanandae nalluwaḻu, “Apu, gapu ta siḵa angigammu'tta ḵasomsomḵan da losane tagu, ipaigammum ud ḵan diḵani nu ngai pinilim atta annae duwa

John 18:27

Inḵasin Peter pinuḵlitan. Pun daguse nanullaḵuḵ ḵawitan.

John 18:4

Gapu ta inigammun Jesus da losane maḵwa ḵan siya, inabotna dida woḵ ḵanana, “Ngai singtonyu?”

John 12:8

Ḵad da ḵapus, pasigda anna ḵan diḵayu yaḵon saḵon ḵad, daḵampun aḵ pasigaḵ anna ḵan diḵayu.”

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’

Revelation 3:19

Suppaḵaḵ ḵan saplitaḵ da losane ay-ayatoḵ, pun ibabawiyu da basuḻyu ya agayyu we angwa ta unudonyu saḵone ustu.

John 21:18

Ibagaḵ ḵan siḵa ḵatuttuwaan. Sa ḵababaḻum, siḵa angigga si taḵyadnu ta maḵasaganaḵae umoy si ayam ya ummoyḵa si piom ayan. Yaḵon nu maḻaḵayḵa, andopaḵa ya awad de angigga si taḵyadnu ya ipuyutna siḵa si adimpun pione ayan.”

John 4:16

Ḵanan Jesus ḵan siya, “Inḵa ayagan aḵ asawam ta umali ḵayu.”

Acts 11:10

Namiḵlu we naḵwa ḵaḵna. Pun nipangatu'd langit sadi ye aḻwae luput.