John 20:31 - Sa Ugud Apudyus

³¹ Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

John 20:31 Referans Kwoze

Acts 10:43

Da losane profetan Apudyus si awe, tinaḵdoḻanda mipanggob ḵan Jesus ta ngaimane amati ḵan siya mapakawan da basuḻda mipagapu'tte ngadanna.”

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

1 John 4:15

Ḵad ngaimane amigbig we aḵ Jesus Abeng Apudyus, iinggaw ḵan Apudyus ya iinggaw os aḵ Apudyus ḵan siya.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

John 3:18

Pun da amati ḵan siya, adidapun maḵoddongan. Yaḵon da adipun amati, naḵoddonganda. Te adidapun amati'tte os-ossaane Abeng Apudyus.

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

John 19:35

Sa nangila'tte sanae naḵwa, tinaḵdoḻana ḵatuttuwaan ḵan igammunae imbagana ḵatuttuwaan ta amati ḵayu bos.

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

John 10:10

“Umali aḵḵawan ta umoy an-aḵaw, pumatoy ḵan dumadail. Yaḵon ḵan saḵon, ummaliyaḵ ta ittaḵ da tagu si biyag aḵ inggana, sa biyage ippun angkurangana.”

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

Luke 1:4

Te pioḵe igammuwonyu we tuttuwa da nituttudu ḵan diḵayu.

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Mark 16:16

Ngaimane amati ḵan saḵon ya mabonyagan, matagu. Yaḵon sa adipun amati, maḵoddongan aḵ madusa.

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Acts 3:16

Mipagapu'tte ḵabooḻan Jesus, pummigsa annae tagu we itotollongyu ya igammuyu. Ḵad gapu si pammatina ḵan Jesus, lummin-awa annae tagu si sinagungyu losan.

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

Revelation 2:18

Ḵanana bos, “Annaya isuḻatnu'tte anghel we angayyuwan atta namati ye magimugimung ad Thyatira, ‘Saḵon Abeng Apudyus we isunan gumilgillayabe apuy atana ya isunan sumelape gambang da suḵina. Annaya ibagaḵ ḵan diḵayu.

1 Peter 1:9

Te awatonyu ambanagan ni pammatiyu we siya mataguwan da ḵalidodwayu.

Matthew 4:3

Aḵ Satan we pasig sumulisug ummadani ḵan siya woḵ ḵanana, “Nu siḵa Abeng Apudyus, bilinom da annae batu ta ambalinda'ḵ tinapay.”

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Acts 8:37

Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.” Ḵanana, “On, amatiyaḵe Abeng Apudyus aḵ Jesu Kristu.”