John 20:30 - Sa Ugud Apudyus

³⁰ Adu da nakaskasdaawe sinyale ḵingwan Jesus atte sinagung da disipulunae adipun nigili si annae iblu.

John 20:30 Referans Kwoze

John 21:25

Yaḵon aduadu bos da ḵingwan Jesus. Nu sin-ossae migili da losan, potog nin ay annae lubung aḵ inggawan da iblu nu migilida.

1 John 5:13

Inggiliḵ da annae banag ḵan diḵayu we namati si Abeng Apudyus ta angigammuwanyu we awad ḵan diḵayu biyag aḵ inggana.

1 Corinthians 10:11

Naḵwa losan da sana'tta iyIsrael ta mabagbagaan da udume tagu ḵad nigilida bos ta mabagbagaan taḵu. Te anna taḵu'tte timpu we madam-an anungus ni timpu.

Romans 15:4

Te ngaimane nigili ye Ugud Apudyus si awe, nigilida'ḵ matuttuduwan taḵu. Ta lamog taḵu attoman da ampaḵaḻaman ya masoḻgag somsomoḵ taḵu ya annamnama taḵu.

John 2:11

Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

John 6:2

Amoamod da tagu we nitun-ud ḵan siya te innilada da nakaskasdaawe ḵingwana'tta nasaḵit.