John 20:1 - Sa Ugud Apudyus

¹ Mabigat ḵade nagangput umillongane ngannonda ummunae aḻgaw ni sindumingguwan, nammadam-an taḻun aḵ Mary Magdalene we ummoy atte nilibonan Jesus. Sissiya ḵade anggiḵbot, innilanae naḵaan batu we onob ni libon.

John 20:1 Referans Kwoze

Mark 16:9

Sa sadi ye wiḵwiḵis atte umunae aḻgaw ni sindumingguwan, ummuli'ḵ Jesus woḵ ummuna nampaila ḵan Mary Magdalene, sa bubai ye namaḻyawana'tta pitu we aḻan.

Matthew 27:60

Naabus ḵad, ummoyna illibon si mismu we libonnae ḵaḵḵopyae liyange natiḵitiḵane batu. Niligadna daḵoḻe batu ta maomban lewangan ni libon woḵ ummoyon.

Mark 15:46

Pun ummoy ngummina'ḵ Joseph atte itaḵe sinnun woḵ ummoyna inopas ladag Jesus atte kros. Binadabadana'tte itaḵe sinnun woḵ illibonna si liyange ḵaḵḵopyae natiḵitiḵane batu. Nagangput ḵad, niligadna daḵoḻe batu ta maomban liyang.

John 20:26

Naḻaḵpus ḵad sindumingguwan, inninggaw os da disipulu'tte boḻoy woḵ inninggaw aḵ Thomas ḵan dida. Nidaḵig onob yaḵon nampaila'ḵ Jesus woḵ naḵataḵdog ḵan dida woḵ ḵanana, “Lin-awa awad ḵan diḵayu.”

John 19:25

Da summisiḵad ḵad si adanin ni de kros Jesus aḵ inana, sa sunud ni inana, aḵ Mary ye asawan Clopas ya aḵ Mary Magdalene.

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.

Matthew 27:64

Pun ambaḻu oḵyan nu paguwaḻdam libonna'tta suḻdadu inggana si miḵaḵlu we aḻgaw, umoy ḵappay da disipuluna aḵawon ladagna ya ibagadae ummuli ye natoy. Ḵad amo maḵaallelaw anungus ni maḵwa nu sa ummuna.”

1 Corinthians 16:2

Sa umunae aḻgaw atte dinuminggu, awad oḵyan osa ḵan diḵayu angiwalin aḵ gatad insigun nu piga illabbuna. Ḵad gappotonyu ta umaliyaḵ ḵad naḵasagana.

Acts 20:7

Sa mabigat ḵade nagangputan ni umillongane imbelangdae umunae aḻgaw ni sindumingguwan, nandatdatong ḵani ye namati'd Troas ta ḵanonni tinapaye angiḵagasmoḵanni si natoyan Jesus. Nantuttudu'ḵ Paul atta tagu inggana'ḵ gawallabi te ḵananapun nu umoyon si mabigat.

Matthew 27:56

Da sana ḵad da Mary Magdalene, sa asawan Zebedee ya aḵ Mary ye inan da James ḵan Joseph.

Matthew 27:66

Pun ummoyda si libon woḵ sinyalanda onobna ta angimatunanda nu mabuḵtan. Naabus ḵad, tinenanda da suḻdadu we angguwaḻda.

Matthew 28:1

Sa madam-an taḻun atte umunae aḻgaw ni sindumingguwane mabigate nagangputan ni umillongan da Judyu, ummoy da Mary Magdalene ya sa osae Mary innila nilibonan Jesus.

Matthew 28:2

Pune sadi, baag-en inniggana ampigsapigsae lunig te nan-osog anghel Apudyus we naḻpu'd langit. Pun niligadna batu we onob ni libon woḵ tummuḵduwana.

John 11:38

Pun nasuḻsuḻdung os aḵ Jesus woḵ ummoy si libone liyange batu onobna.

John 11:41

Pune sadi, ḵinaanda batu. Ḵanan Jesus we nantangad, “Ama, anggappiyaaḵ ḵan siḵa te dingngoḻnu saḵon.