Adiyupun ḵamman igammu we sa long-ag taḵu templon ni Ispiritu Santu we innattod Apudyus aḵ iinggaw ḵan ditaḵu? Daḵampun aḵ ḵuwa taḵu long-ag taḵu te ḵuwan Apudyus,
Ḵad anserbi ye ḵangatuwane padi ad langit si tuttuwae inggawan Apudyus we ḵingwana bose daḵampun si ngannonda Nasantuwane Kuwartu atte tuldae ḵingwan di tagu si awe.
Ḵad maḵwa ḵamman antitimpuyug da templon Apudyus atta sinan-apudyus? Ditaḵu templo we boḻoy Apudyus we iinggawan ni matattagu we Apudyus. Te ḵanan Apudyus, “Iyyaḵ inggaw atta tagu ya iinggawaḵ ḵan dida ya saḵon Apudyusda ya dida da taguḵ.”
Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.
Pun ummuli ḵad aḵ Jesus, inḵagasmoḵ da disipuluna sanae imbagana. Pun namatida si nigili ye Ugud Apudyus mipanggob ḵan siya ya tuttuwa da imbagan Jesus.
