John 2:15 - Sa Ugud Apudyus

¹⁵ Pun nangwa'ḵ aplitna'tte tali woḵ pinaḻyawna dida'tte lasin ni templo, nidoga da baḵa ḵan da karnero. Iwwaliwalisna pilaḵ da ansusuḵat aḵ pilaḵ woḵ binalittuwaḵna da lamisaanda.

John 2:15 Referans Kwoze

2 Corinthians 10:4

Te sa armase usaronni daḵampun aḵ naḻpu'tte ḵabooḻan ni long-agni yaḵon naḻpu'tte ḵabooḻan Apudyus we usaronni ye amaginoḵ atta ḵinalaing da nalainge an-ugud.

John 18:6

Imbagan ḵad ay Jesus ḵatti, summunodda woḵ nampaklobda.

Matthew 21:12

Pune sadi, nillumnoḵ aḵ Jesus atte paway ni templo woḵ pinaḻyawna da losane allaḵlaḵu ḵan ngumina'tta banage mausar atte andatunan ḵan Apudyus ad daḻom atte paway ni templo. Binalittuwaḵna da lamisaan da ansusuḵat aḵ pilaḵ ya da tutuḵduwan da allaḵu'tta kalapati,

John 2:14

Nillumnoḵ atte paway ni templo we boḻoy Apudyus woḵ indasana da allaḵu'tta baḵa, karnero, kalapati ya da ansusuḵat aḵ pilaḵe atuḵtuḵdu'tta lamisaan.

John 2:16

Ḵanana bos atta allaḵu'ḵ kalapati, “Ḵaanonyu da sanat si anna! Adiyu ambalinon aḵ lalaḵḵuwan boḻoy Amaḵ!”

Acts 27:32

Pun ginsat da suḻdadu da tali ye nitaḵodan da bangka ta maanud da bangkae matenan da marinero si daḵoḻe bapur.