John 2:11 - Sa Ugud Apudyus

¹¹ Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

John 2:11 Referans Kwoze

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 6:2

Amoamod da tagu we nitun-ud ḵan siya te innilada da nakaskasdaawe ḵingwana'tta nasaḵit.

John 6:30

Ḵananda bos, “Ngai nakaskasdaawe sinyale ḵoom ta ilanni ya amati ḵani'tta imbagam? Ngai ḵoom?

John 6:26

Ḵanan Jesus ḵan dida, “Ibagaḵ ḵan diḵayu ḵatuttuwaan, singsingtonaḵ te nangan ḵayu ya nassug ḵayu'tte tinapaye impaḵanḵu ḵan diḵayu. Daḵampun aḵ gapu ta naawatanyu da nakaskasdaawe sinyale innilayu.

John 6:14

Innilan ḵad da amode tagu da nakaskasdaawe sinyale ḵingwan Jesus ḵananda, “Sana pagay tuttuwae profeta we inkarin Apudyus we umali si annae lubung.”

2 Corinthians 4:17

Te da annae sin-aḵitane ampaḵaḻamanni, ambanag aḵ ḵabaḻuwane antatagu ḵan Apudyus ad langite ippun patinggana ḵan ippun miyisuwana.

John 14:13

Ḵad ngaimane ḵodawonyu mipagapu'tte ḵaḻabbongaḵ, ḵooḵ ta midayaw Ama mipagapu'tte Abeng.

John 12:41

Imbagan Profeta Isaiah da anna te innilana ḵinadayaw Jesus woḵ inugudna bos mipanggob ḵan siya.

John 12:37

Taḵon ay nu adu da nakaskasdaawe sinyale impailan Jesus ḵan dida, sissiyae adidapun amati ḵan siya,

John 2:23

Adu da namati ḵan siya si inggawana'd Jerusalem atte timpun ni Gayagayan da Judyu we ngannonda Nallausan te innilada da nakaskasdaawe sinyale ḵingwana.

John 1:50

Ḵanan os Jesus, “Gapu'tte imbagaḵe innilaḵ siḵa si puun ni de fig, amatiḵa ḵamman? Asim ilan da sindumallu we nakaskasdaaw nu sa anna.”

1 John 5:13

Inggiliḵ da annae banag ḵan diḵayu we namati si Abeng Apudyus ta angigammuwanyu we awad ḵan diḵayu biyag aḵ inggana.

John 4:46

Pune sadi, ummoyda bos ad Cana we osae ili'tte probinsiya'd Galilee ye sa nambalinon Jesus danum aḵ bayas. Inninggaw osae pangat atte gubilnu'd Capernaum we nasaḵit abengnae laḻaḵi.

John 5:23

ta dayawon da losan saḵone isun ni andadayawda ḵan Amaḵ. Da adipun andayaw ḵan saḵon, adidapun os dayawon aḵ Amaḵ we nangibuun ḵan saḵon.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

2 Corinthians 3:18

Pun losan ḵan ditaḵu we namati, daḵampun aḵ isu taḵu'ḵ Moses we natalingdan bosaḻna yaḵon ipaila taḵu we isun di ladawan dayaw ḵan ḵabooḻan Apu ya patilayune mabaliwan taḵu bumaḻu inggana'ḵ miyisu taḵu ḵan siya. Te aḵ Apu we sa Ispiritu Santu amagatupe amabaru ḵan amabaḻu ḵan ditaḵu.

John 11:15

ya gapu ḵan diḵayu allaylayadaḵ te naidaḵpun sidi ta amati ḵayu. Yaḵon intaḵu ḵan siya.”

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 1:43

Mabigat ḵad, simsimmoḵ Jesus we umoy atte probinsiya'd Galilee. Indasana'ḵ Philip woḵ ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.”

John 2:1

Naḻaḵpus ḵad duwan aḻgaw, inggaw kasar ad Cana si probinsiya'd Galilee. Inninggaw inan Jesus sidi,

John 4:3

Inigammun ḵad da Jesus sana, tinenanda probinsiya'd Judea ta mipaulida'tte probinsiya'd Galilee.

John 4:54

Sana miḵagwae sinyale ḵingwan Jesus atte probinsiya'd Galilee si naḻpuwana'tte probinsiya'd Judea.

John 7:31

Yaḵon adu da namati ḵan siya woḵ ḵananda, “Sa annae tagu, tuttuwae adu da nakaskasdaawe sinyale ḵingwanae isun ni namnamaon taḵu we ḵoon Kristu nu umali sina.”

John 9:16

Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.” Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.

John 10:41

Adu da tagu we umoy ḵan siya. Ḵananda, “Naippun ḵingwan John aḵ nakaskasdaawe sinyal yaḵon tuttuwa da losane imbagana si mipanggob ḵan siya.”

John 11:47

Pun da papangat da papadi ya da Pharisee, impaayagda da ḵuḵunsisaḻ woḵ ḵananda, “Ngai ḵoon taḵu? Te adu da ḵingwan ni annae tagu we nakaskasdaawe sinyal.

John 12:18

Sadi gapunae adu da tagu we ummoy niyabot ḵan siya te nandinongoḻe siya nangwa'tta annae nakaskasdaawe sinyal.

John 16:27

Te aḵ Amaḵ we mismu ayatona diḵayu te inayatyu saḵon ya namati ḵayu we naḻpuwaḵ ḵan Ama.

John 16:30

Sinsadi, igammuni ye igammum da losan. Ḵad adipun ḵasapuḻane awad an-imus ḵan siḵa. Gapu'tte sana, amati ḵani ye naḻpuḵa ḵan Apudyus.”