John 19:41 - Sa Ugud Apudyus

⁴¹ Sa lugar we nipattoḻana inggaw mumuḻḻaan ya sa sadi ye mumuḻḻaan inggaw ḵaḵḵopyae libone ippun nilibon.

John 19:41 Referans Kwoze

Luke 23:53

Pun ummoyna impas atte kros woḵ putiputana'tte itaḵe sinnun woḵ asinaot ummoy illibon si liyange ḵaḵḵopyae natiḵitiḵane batu we naippun nilibon.

Matthew 27:60

Naabus ḵad, ummoyna illibon si mismu we libonnae ḵaḵḵopyae liyange natiḵitiḵane batu. Niligadna daḵoḻe batu ta maomban lewangan ni libon woḵ ummoyon.

John 20:15

Ḵanan Jesus ḵan siya, “Bubai, ngaipaḵa umibiibil? Ngai singsingtom?” Ḵanampun Mary nu sa angayyuwan atte mumuḻḻaan woḵ ḵanana, “Apu, nu intallaynu, ibagam nu dinu nangiggaam ta iyyaḵ aḻan.”

John 19:42

Pun gapu ta ansaganaan da Judyu para'tte umillongan atte mabigat ya adani libon, illibonda'ḵ Jesus sidi.