John 19:35 - Sa Ugud Apudyus

³⁵ Sa nangila'tte sanae naḵwa, tinaḵdoḻana ḵatuttuwaan ḵan igammunae imbagana ḵatuttuwaan ta amati ḵayu bos.

John 19:35 Referans Kwoze

John 21:24

Sana disipulun Jesus we anaḵdoḻ atta sanae banag ya siya bos nangigili. Ḵad igammuni ye tuttuwa da tinaḵdoḻana.

John 15:27

Diḵayu ḵad os taḵdoḻanyu te inninggaw ḵayu ḵan saḵon si inggan ni laplapu.”

1 Peter 5:1

Awad de pioḵ ibaga ḵan diḵayu we angipangpangu'tta namati te osaaḵ ose angipangpangu. Osaaḵ ose nangila si nampaḵaḻaman Kristu ya midogaaḵ si ḵabaḻuwane antatagu ḵan Apudyus ad langit si umali ye aḻgaw.

Romans 15:4

Te ngaimane nigili ye Ugud Apudyus si awe, nigilida'ḵ matuttuduwan taḵu. Ta lamog taḵu attoman da ampaḵaḻaman ya masoḻgag somsomoḵ taḵu ya annamnama taḵu.

Acts 10:39

Ḵad diḵani ye apostol nanaḵdoḻ atta losane ḵingwana'd Jerusalem ya da udume ilin da Judyu. Impattoḻda'ḵ Jesus atte kros woḵ natoy.

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

1 John 5:13

Inggiliḵ da annae banag ḵan diḵayu we namati si Abeng Apudyus ta angigammuwanyu we awad ḵan diḵayu biyag aḵ inggana.

John 19:26

Innilan ḵad Jesus inana ya sa ay-ayatonae disipulu we summisiḵad si adani, ḵanana'tte inana, “Ina, annaya ibelangnu'ḵ abengnu.”

John 14:29

Sinsadi imbagaḵ da anna si daanda maḵwaan ta maḵwada ḵad, amati ḵayu.

John 11:42

Inigammuḵe pasige dongngom saḵon yaḵon ibagaḵ sana mipagapu'tta annae tagu we ataḵtaḵdog ta amatidae siḵa nangibuun ḵan saḵon.”

John 11:15

ya gapu ḵan diḵayu allaylayadaḵ te naidaḵpun sidi ta amati ḵayu. Yaḵon intaḵu ḵan siya.”

3 John 1:12

Aḵ Demetrius ḵad, ambaḻu ibagabagan da adu we tagu atte mipanggob ḵan siya ya tuttuwa da sana te maila si antataguna. Panoḵnoḵanni bos mipanggob ḵan siya ya igammume tuttuwa da annae ibagani.