John 19:15 - Sa Ugud Apudyus

¹⁵ Pun ḵanandae nanugtug-uy, “Pagongatnu! Pagongatnu! Paipattoḻnu'tte kros!” Ḵanan Pilate, “Pionyu ḵammane ipattoḻḵu'tte kros ariyu?” Ḵanan da papangat da papadi, “Naippun udum aḵ arini yaḵon sa Emperor.”

John 19:15 Referans Kwoze

Luke 23:18

Yaḵon ḵananda losane nanug-uy, “Gongatomot! Aḵ Barabbas pionni ye puḵayam!”

Acts 22:22

Imbagan ḵad ay Paul sadi, da nandodongngoḻ ḵan siya insaḻadda ḵanane simbobogga, “Gongaton taḵu! Adi oḵyan matagu ḵaḵnate tagu.”

Acts 21:36

Intuntun-ud da amode tagu we angibogbogga ḵanane, “Gongaton taḵu!”

John 19:6

Innilan ḵad da papangat da papadi ya da guwaḻdan ni templo, ḵanandae nanugtug-uy, “Paipattoḻnu'tte kros! Paipattoḻnu'tte kros!” Ḵanan Pilate ḵan dida, “Aḻanyu ya ipattoḻyu'tte kros te naippun indasaḵ aḵ basuḻna.”

John 18:31

Ḵanan Pilate, “Aḻanyu gay ta ḵuwisonyu sigun si ḵuwayu we lintog.” Ḵanan da Judyu, “Yaḵon adipun miyunude ḵoddonganni ye mapatoy tagu.”

Matthew 22:17

Pun ibagam ud nu ngai ḵasomsomḵam si anna. Lisalison taḵu ḵamman lintog Moses nu ambayad ḵani'tta bugis atte Emperor ad Rome? Ambayad ḵani baḵon nu umadini?”

Acts 13:28

Taḵon ay nu ippun indasanda'ḵ gapun ni angoddonganda'ḵ matoy, ḵindawda ḵan Pilate we pagongatna.