John 18:28 - Sa Ugud Apudyus

²⁸ Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

John 18:28 Referans Kwoze

John 19:9

Pun nillumnoḵ ḵasin atte palasna woḵ ḵanana ḵan Jesus, “Dinu naḻpuwam?” Yaḵon adipun aḵ Jesus summongbat.

John 18:33

Pune sadi, nillumnoḵ os aḵ Pilate si palasna woḵ impaayagna'ḵ Jesus. Ḵanana, “Siḵa ḵamman Arin da Judyu?”

John 19:14

Annae mumamatuḵ si sadi ye aḻgawe ansagsaganaan da Judyu si Gayagayae ngannonda Nallausan. Ḵanan Pilate atta Judyu, “Annaya ariyu!”

Matthew 27:27

Naabus ḵad, innaḻan da suḻdadu'ḵ Jesus woḵ illonoḵda'tte boḻoy Gobernor Pilate, pun inaligummun da losane suḻdadu'ḵ Jesus.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

John 11:55

Madam-an ḵad de Gayagayan da Judyu we ngannonda Nallausan, summang-at da adu we tagu'd Jerusalem we naḻpu'tta probinsiya ta umoyda papoḻḵason da long-agda si daan misaḻad gayagaya.

Acts 11:3

Ḵananda, “Ngaipaḵa umoy pamangili'tta Gentil ya naḵaḵanḵa bos ḵan dida?”

Acts 10:28

woḵ ḵanana ḵan dida, “Iniiggammuyu we sa ugalini ye Judyu, miyadi mitimpuyug ḵan maḵabuḻbuḻun ḵani'tta Gentil. Yaḵon impaigammun Apudyus ḵan saḵone ḵasapuḻane umadiḵ ibelang ngaimane tagu'ḵ ḵaissaw.

John 18:39

Yaḵon awad de ugaliyu we ḵasapuḻane puḵayaḵ osa'tta baḻud si Gayagayae ngannonyu Nallausan. Pun pionyu we puḵayaḵ annae Arin da Judyu?”

Luke 22:66

Anna ḵade pumadda, inniyoyda'ḵ Jesus atte igaw da ḵuḵunsisaḻ we nandaḵdaḵngan da pallakayon da Judyu, da papangat da papadi ya da mimistulun ni lintog.

Mark 15:16

Illonoḵ da suḻdadu'ḵ Jesus atte boḻoy ni gobernor woḵ dinagupda da losane asinsuḻdaduda.

John 18:13

Inunada inniyoy ḵan Annas we ḵatugangan Caiaphas we ḵangatuwane padi si sadi ye tawon.

John 18:15

Aḵ Simon Peter ya sa osae disipulu, nitun-udda ḵan Jesus. Gapu ta igammun ni ḵangatuwane padi osae disipulu, naḵaḻnoḵ ḵan Jesus atte paway ni boḻoyna.

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

Acts 4:27

Sadi imbagan Ari David te da Herod ḵan Pontius Pilate ya da Gentil ya da ganaḵ Israel nadagupda'd Jerusalem ta antutuḻagdae gongatonda'ḵ Jesus we nasantuwane sammilume dinutuḵam.

Acts 10:32

Pun sinsadi, angibuunḵa'ḵ umoy ad Joppa angayag ḵan Simon we nangngadan aḵ Peter. Awade niḵamboḻoy aḵ ḵuwan da Simon we anḵoḵopya'ḵ laḻat ḵad sa boḻoyna awad si igid ni baybay.’