John 18:15 - Sa Ugud Apudyus

¹⁵ Aḵ Simon Peter ya sa osae disipulu, nitun-udda ḵan Jesus. Gapu ta igammun ni ḵangatuwane padi osae disipulu, naḵaḻnoḵ ḵan Jesus atte paway ni boḻoyna.

John 18:15 Referans Kwoze

Luke 22:54

Pun dinoḵmaanda'ḵ Jesus woḵ iyoyda si boḻoy ni ḵangatuwane padi. Aḵ Peter ḵad, nituntun-ude naktay ḵan dida'ḵ panos.

Mark 14:54

Naktay aḵ Peter inggana'ḵ dummatong si paway ni boḻoy ni ḵangatuwane padi. Pun naḵatuḵdu'tta guwaḻda woḵ naḵaanidu.

Matthew 26:3

Sa sadi ye timpu, nandatdatong da papangat da papadi ya da pallakayon da Judyu si boḻoy Caiaphas we ḵangatuwane padi.

John 18:24

Pun impaiyoy Annas aḵ Jesus we nabaḻud da imana ḵan Caiaphas we ḵangatuwane padi.

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.