John 17:25 - Sa Ugud Apudyus

²⁵ “Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 17:25 Referans Kwoze

John 17:11

Sinsadi naippunaḵ ogon si lubung te mipauliyaḵ ḵan siḵa. Yaḵon matenanda si annae lubung. Nasantuwane Ama, ḵodawoḵe ayyuwanam dida mipagapu si ḵabooḻame innatodnu ḵan saḵon ta an-ossaandae isun ni nan-ossaananta.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

John 7:29

Saḵon ḵad, igammuḵ te siya naḻpuwaḵ ya siya nangibuun ḵan saḵon.”

John 16:27

Te aḵ Amaḵ we mismu ayatona diḵayu te inayatyu saḵon ya namati ḵayu we naḻpuwaḵ ḵan Ama.

Hebrews 8:11

Ḵad daḵampun aḵ ḵasapuḻane an-asituttududa baḵon nu an-asibagada, ‘Igammuyu'ḵ Apu,’ te igammun da losane tagu saḵon, misaḻad si ḵababaan inggana si ḵangatuwan.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

John 10:15

Igammun Amaḵ saḵon ḵad igammuḵ os aḵ Amaḵ. Ḵad naḵasaganaaḵe angitod atte long-agḵu'ḵ matoy gapu'tta karneroḵ.

John 8:55

Ippun igammuyu ḵan siya. Yaḵon igammuḵ. Nu ḵanaḵe naippun igammuḵ ḵan siya, tuliyanaḵe isuyu. Yaḵon tuttuwae igammuḵ ya tuttuwaoḵ da ugudona.

Luke 10:22

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan ḵinalaing. Iniiggammuna saḵone Abengna ya naippun udum aḵ nangigammu ḵan saḵon. Ḵaḵna bos aḵ Amaḵ. Naippun angigammu ḵan siya, abusaḵ ya da ngaimane tagu we pioḵe angipaigammuwan.”

Revelation 13:8

Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

1 John 1:9

Yaḵon nu ibabagga taḵu da basuḻ taḵu, aḵ Apudyus mataḻgodan ḵan naun-unane amakawan atta basuḻ taḵu ya papoḻḵasona ditaḵu'tta losane ḵinalaweng taḵu.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

Romans 3:26

Sinsadi impailanae naun-unan gapu'tte adinapun nambiyangan da basuḻ da tagu yaḵon imbuunna'ḵ Jesus aḵ matoy ta siya madusa para'tta basuḻ taḵu pun aḵ Apudyus ustu ya siya angwa si maun-unan da awad pammatida ḵan Jesu Kristu.

Romans 3:11

Naippun ossaan aḵ maḵaawat si ḵatuttuwaan ḵan ippun ossaan aḵ maḻyad angigammu ḵan Apudyus.

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Acts 17:23

te nanggaḵayaḵ ḵad atte siyudad, innilaḵ da lugar we andaydayawanyu'tta adu we sinan-apudyus. Indasaḵ os altar we nagiliyan atte ḵaḵnae ugude ḵanana, ‘Para si apudyus we ippun angigammu.’ Sa sanate daydayawonyu we taḵon ay ippun igammuyu, siya sanae ipaigammuḵ ḵan diḵayu.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

John 17:18

Sa nangibuunam ḵad ḵan saḵon si annae lubung isuna nangibuunaḵ atta disipuluḵ si lubung.

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

John 16:30

Sinsadi, igammuni ye igammum da losan. Ḵad adipun ḵasapuḻane awad an-imus ḵan siḵa. Gapu'tte sana, amati ḵani ye naḻpuḵa ḵan Apudyus.”

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

John 6:19

Batug ḵad di lima baḵon nu onome kilomitro inaḵatda, intapda'ḵ Jesus we anadtaddaḻan atte labaw ni danume umadaadani'tte bangka woḵ naḵimtanda.

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Revelation 16:5

Pun ḵanan ni anghel we sa simbiyang si danum, “Siḵa abus aḵ gattoḵe nasantuwane iinggaw sinsana ya inninggaw si awe, ustuustu ya naun-unan andudusam.