John 17:12 - Sa Ugud Apudyus

¹² Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

John 17:12 Referans Kwoze

John 18:9

Imbagana sana ta mituttuwa sadi ye inugudnae naippun ossaan aḵ tinaḻaḵḵu'tta innatod Apudyus ḵan saḵon.

John 13:18

“Daḵampun aḵ ugudoḵe diḵayu losan te igammuḵ da piniliḵ. Yaḵon ḵasapuḻane mituttuwa Ugud Apudyus we ḵanana, ‘Sa ḵaubungḵu, siya angituyuḵ ḵan saḵon.’

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

Acts 1:25

aḵ mipasani si ḵinaapostol Judas. Te nan-awidana nanserbiyanae ḵinaapostolna woḵ ummoy si ḵuwanae lugar.”

2 Thessalonians 2:3

Adi ḵayu maallelaw atta ngaimane ibagada ḵan diḵayu. Te adipun dumatong sanate aḻgaw inggana'ḵ umaduadu da tagu we sumusullagi ḵan Apudyus ḵad mipaila ḵaḻawengane niḵoddonge madusa'd Infiernu.

Hebrews 2:13

Ḵanana bos ḵasin, “Aḵ Apudyus abus aḵ antaḻgodaḵ.” Ḵad ḵanana bos, “Annaaḵ ya da abenge innatod Apudyus ḵan saḵon.”

John 17:6

“Impaigammuḵ siḵa'tta tagu si annae lubunge innatodnu ḵan saḵon. Ḵuwam dida ya innatodnu dida ḵan saḵon woḵ tinuttuwada ugudnu.

Philippians 2:9

Pun intaḻayag Apudyus aḵ Jesus ta siya ḵangatuwan atta losan,

Revelation 19:12

Sa atana ḵad, isunan gumilgillayabe apuy ya sa uḻuna ḵad, nabaḻangatan atta adu we korona. Ḵad nigili bos ḵan siya ngadanna yaḵon siya abus aḵ angigammu si piona ḵanan.